قصة مها مع الزواج (حلقات)

**حفيدة غزالة** · منذ /07-03-2010, 05:22 PM

سلام يا حلوين ...جايبه لكم اليوم قصة واقعية من جد حصلت ...بس الضحية بنت مش ولد ههههههه
القصة زي ما قلت واقعية بس حبيت احور في الأسماء..
وحبيت اسميها قصة ا ل مها ...ولولد تبون خالد ولا فهد اي واحد بس انا سميته سعد..
نبداء الحكاية..
مها بنت عمرها (18)عام تسكن في بيت والدها المتواضع ..وكان ترتيبها الرابعة بين اخوانها فكان اكبر منها ولدين وبنت ..
وعلى الرغم من ان الاب لدية خمس بنات الى انه مدللهن دلال بس مو زايد كان يحبهم اكثر من الابناء
فكان لا يرفظ لبناته طلب كان يحبهن حب كثير..المهم في يوم من الايام وبينما كانت زيارة احدى الجارات الى الام رأت مها بالصدفة وعلى الرغم من ان المجتمع عندنا لا يسمح بظهور البنات امام الجارات ..
أعجبت الجارة ب مها وذهبت على الفور وأخبرت اختها التي عجزت وهي تبحث عن عروس لأبنها فكانت كلما تخطب له كان لا يوفق ..
دخلت الام والخاله على (سعد) وقالت امه ياوليدي لقينا لك عروس..
الخالة/ايه لقيناها بنت متربيه واهلها اخلاق وعلى دين..
سعد/امي؟؟ما مليتي ؟؟وبعدين معكم؟؟انا قلت ما ابي اتزوج؟؟؟خلاص فكوني؟؟؟
ام سعد/وش بلاك انت ؟؟صاحي والا مجنون تدري كم عمرك؟؟الحين دخلت الثلاثين ؟؟يعني منت صغير وش فيك ابي اشوف عيالك والي يسلمك قبل لا اموت..
الخاله /سعد انت وش تبي بالزبط مها بنت حليله ما بها أي عيوب واي شي تقدر تغيرها بسهوله لان البنت صغيرة تخيل عمرها 18سنه
سعد/من جدكم؟؟تبوني اخذ بزره؟
ام سعد /شوف انت اخلاقك ما تقدر وحدة تتحملها الى بنت صغيرة لأنك تقدر تشكلها زي ما تبي وتعلمها كل الي تبيه..
سعد/طيب خلوني افكر في الموضوع..
الخالة/وبعدين معاك لازم تفكر بسرعة البنت شكل واحد من قبيلتها يبيها لازم ترد علينا بسرعة
سعد/الله يوفقها خليها تتزوج احسن فكتني من حنتكم عليه ..هههههههه
ام سعد / برظاية عليك يا سعد ابي اشوف اولادك قبل لا اموت

وبحكم بر سعد بأمه وافق سعد على مها وطبعا لازم الام والخاله يقومون بزياره لاهل مها ويشوفون البنت
اتصلت الخاله على ام مها ولما قالت لها طارت الام من الفرحه بس قالت ليش بذات مها ليه مو العنود مو هي الكبيرة؟؟قالت الخاله لا ابي مها بالذات لانها صغيرونه وولد اختي صغير ( الله يال خرطي)
وولد اختي....وولد اختي ...المهم وصلته النجوم وهو له ست سنوات ينرفظ ..
ابو مها ما دخلت مخه هذي العبارات راح يسأل عن الولد في كل مكان كلهم مدحوه لكن فيه مشكله ما حبها الاب وهيه الدخان فقال لا طبعا كل هذا ومها يا غافلين لكم الله ما تدري وش السالفة..
مرت الايام اتصلت ام مها بالخاله:
الام /سلام عليكم
الخالة /وعليكم السلام هلا وغلا بأرحامنا
الام/والله ما ادري وش اقول لك لكن الزواج قسمة ونصيب
الخالة /ليـــــــــــــــــــــــــــــــه وش سار
الام /لا مافيه شي سألنا عن الولد وقالو لنا انه يدخن وابونا ما يحب الخان الا ولدكم ما يتعيب الله يرزقة ببنت الحلال الي تسعدة.
الخاله/لا لالا فاهمين غلط يا وخيتي الي يشرب الدخان مو( سعد) الي يشربه عندنا هذا عبود اخوه الي اصغر منه
وما تصدقين والله انه ينصحه طول الوقت ويقول لا تدخن تراك بتظر صحتك بس هو ما يسمع ...(كذااااااااااااابه)
قالت الام من جدك انتي؟؟
الخالة/ايه بس الحاقدين كثير لان فيه ناس قالو لنا تعالو عندنا بس احنا اخترنا مها وعلشان كذا سارو يشوهون صورة سعد فهمتيني..
الام / ايه ايه فهمتك والله الحاقدين كثير وانا فهمت الموضوع زين والله يختار الي فيه خير لنا ولكم
وسكرت الام
الخاله على طول اتصلت على سعد وتقول له انتبه هذي اليومين حاول لا تدخن برا علشان لحد يشوفك..
سعد /ليه اسوي جريمه ؟؟رافظين طز انا ما ابي اتزوج اصلا
الخاله /وبعدين معاك ؟؟تبي تزعل امك؟؟
سعد / لالا طيب طيب خلاص يسير خير
المهم ...مرت الايام وانتهزت الام الفرصه علشان تقول للاب عن ما قالته الخاله لها قال الاب معقول فيه ناس كذا؟؟ معقول يخربون خطبة واح علشان ما خطب منهم...(كان الاب مثالي بزياده عن الزوم وكان ما يعرف يغلط على احد وكان محترم بمعنى الكلمه )
قال الاب /طيب قبل لا ارد عليهم ابي اشوف رأي بنيتي مها يمكن يكون لها رأي ثاني والله اشوفها صغيره عن الزواج والمسؤلية بس الله يختار الي فيه الخير..
الام/ طيب ابي اكلم الجماعة يستنون علينا اسبوع علشان نرد منهم ..
(في هذي الفترة سعد كان مبسوط لانه متوقع ان اهل مها رافظينه لانه مو وجه زواج بس الام كانت جالسه على اعصابها لان كره الزواج وراثه في عايلته فخال سعد ما تزوج وهو الحين في السبعين من عمره وجده (خال امه)كمان ما تزوج ومات بين يدين امه والله عايله ...نسبهم يشرف هههه)
في بيت مها جلس الاب يفكر وبناته تارسين عليه البيت الي تمزح والي تضحك والي تشيل القهوه من عند ابوها .. اجواء تبعث للاب الاستقرار النفسي..
في هذا الجو قالت الام للعنود (اخت مها الكبيرة)تعالي ابيك ..قالت العنود نعم يا امي وش تبين قالت:اليوم ابوك بيكلم اختك مها ...فيه واحد تقدم لها ...العنود من جد ههههههه خبر حلو والله من هو هذا نعرفه؟؟قالت ولد اخت جارتنا ...قالت والله من جد ؟؟الله يوفقها
الام / منتي زعلانه علشان مها اصغر منك وانخطبت ؟؟
العنود / وش الكلام هذا يا امي الزواج قسمة ونصيب أزعل لفرح اختي ..
المهم تطمنت الام على بنتها الكبيره وعلى نفسيتها علشان ما تزعل..
وبعد شوي نادا الاب مها الى المجلس (وفي هذا الوقت كانت مختلفة مها قليلا مع عمتها فكانت تتوقع ان عمتها كلمت ابوها في موظوع الخلاف الي بينهم)
دخل الاب وقال لمها اجلسي ..
جلست مها وهي متوترة وساكته وتناظر في ابوها ..قال ابوها وهو كمان ما يدري من وين يبداء قال شوفي يال مها احنا ربيناك واحسنا تربيتك وإن شاء الله ما قصرت في وحدة منكم ..(قالت مها في نفسها ربيناك والله انها قالت له ..) والى شوي قالت مها ابويه اسمعني شوي ....
قال خليني اكمل وبعدين ردي ...مها/حاظر اسفه كمل
جاني عريس لك طلب ايدك ونتي تعرفين خالته زين ..وهو ولد اخلاق ومهذب وو..ووو...
وقتها غطت مها وجهها بيدينها وخرجت من المجلس منحرجه من ابوها (والله إحراج)
وهي خارجه قال ابوها شوفي عندك مهله اسبوع استخيري فيه وردي مني وما ابي اغصبك على شي ما تبينه..
قال الاب كلماته ومها مسرعه خارجه من المجلس...
برا المجلس كان الكل عارف ومها اخر من يعلم... ليـــــــــــــه ما قلتو لي امي وش ذا الاحراج انحرجت من ابوي (تقولها وهي تبكي بقوة)
الام تهدي مها وهم في الغرفة وتقول يا بنتي استخيري ربك ...وكانت تظغط الام كثير على مها بس مها فيه شي في داخلها يقول لها لا لا
المهم جا اليوم الي تتعرف فيه الام على مها ..دخلت البيت وهي والخاله (الكذابه) وهم يقولون بسم الله ما شاء الله
سلمو على الام وقالو يبون يشوفون مها ..
طلعت مها وشافوها وقالو الله يوفقكم ويختار لكم الي فيه خير نبي الملكه بسرعة ...الغريبه ان الي لازم يتكلم في المواضيع هذي هو الرجال ..قالت الام اشوف ابوها ويسير خير
وقتها سعد مرتز عند الجال ومعه والدة الي مايعرف وش السالفه (عايله ..تشرف) المهم كلموه وقالو ادخل في الموضوع ...قال كيف؟؟قالوله اخطب رسمي...وقتها قال طيب ..(فهم ألاخ)
خطب رسمي وطبعا كانت مها موافقه بعد جهد جهيد من امها طبعا ...
سارت الملكة وتعرفت مها على اخواته الثلاث كانت اصغر منهن امر صعب يعني مافيه توافق بينها وبين خواته
قالت الام/يالله يا مها ننزل علشان يقابلك سعد..
نزلت مها وهي في كامل اناقتها ومعها امها وام سعد ..
ولما شافها سعد انبسط والظحكه من الاذن للاذن مبسووووووووووط قالت ام سعد/ هذي مها وش رايك غمز لامه قال ..امممممم حلوه مي بطاله
كل هذا ومها مي مرتاحة يمكن علشان الشغلة اجباريه لا يمكن علشان كلامه مو مريح لا يمكن هيه مو متعوده على الاجواء هذي ممكن (كانت مها تكلم نفسها انها لازم تتعود على الوضع الجديد) فمها بنت عاقله جدا مميزة بين اخواتها بأنها شاطرة وذكية وتفهمها على الطاير...
قالت ام سعد طلع الدبله ولبس زوجتك ..
سعد/ طيب وهذي الدبله ...(مها بتموت من الخجل)
وخرجت الام الشبكة ولبستها لمها وكان سعد ينظر لمها وكأنه يقول شهر او شهرين لين ما ازهق واطلقها

(ياترا وش مصير مها؟؟؟تابعو في الحلقة الثانية)...

الموضوع الأصلي: قصة مها مع الزواج (حلقات) || الكاتب: حفيدة غزالة || المصدر: العروس

**حفيدة غزالة** · منذ /07-03-2010, 05:24 PM

الحلقه الثانيه :

في يوم الزواج كانت مها تبكي وكانو اخواتها يبكون من بكاها والام تقول لها /مها بنتي وش فيك ؟؟ هذي سنة الحياة وش بك شوفين ما جلست عند اهلي ...
(فيه شي في صدر مها ...عدم اقتناع...يمكن.)
المهم سارت زفة مها كلنت زي القمر فكانو عائلة سعد ينظرون الى هذي الي اسرت قلب سعد(حسرة قلبك يا مها)
المهم وبعد ليلة من التوتر العصبي وشد الاعصاب جا سيد الجال (سعد) واخذ مها لسيارة ..
ويحاول يقول كلمات حلوة لكن ما فيه فايده مها مفجوعه مرة من كون اهلها راحو وخلوها ..
حاول يهديها ..(الحق لله كان بارع في الكلام المقنع)
قال لها/وش تامريني انا جاهز ومستعد ..لو تبين اهلك الحين وديتك (طبعا عز الطلب)
قالت يا ليت وهي تبكي..
ولما شاف دموعها ما قدر حزن عليها وقال طيب وش بيقولون الناس مو زين في حقك صح؟؟
قالت مها/ مدري
قال /هذا الفندق وصلنا نبي نقظي ثلاثه ايام هنا وش رايك .؟؟
قالت / (وهيه تهدي نفسها لازم استحمل وش فيه انا ؟؟كل البنات تزوجو وش بي اتصرف كأني طفلة) طيب الي تشوفه..
وصلو للفندق ودخلو وكان سعد متفاهم جدا لانه عرف ان مها من جد صغيرة وما تعرف في امور الزواج شي
المهم مرت ثلاثه ايام وام سعد ماشافته فيها طبعا كيف لازم تبداء في الاساله عن احوال ابنها وعن حياته الجديده..
اتصلت عليه وعزمته في البيت هو وزوجته ..
دخل سعد وقال ل مها استعدي نبي نروح ..طبعا مها لبست وراحو لبيت العايله الكريمه (الي نسبهم يشرف)
طبعا هنا الثلاث الاخوات كانو في البداية يتكلمون مع مها بدون أي حواجز بينهم كانو جدا لطاف معها وكأنهم خواتها ..

وبعد شهرين....
قرر سعد ان يرجع للرياض حيث عمله وشقته الي تنتظرة وطبعا الام بتسافر معه ومع زوجته ...
وصلو الرياض ودخلت مها بيتها الجديد وهي متحمسه جدا فهي صاحبة ذوق عالي وكان ابوها يستشيرها في الالوان ..
بعد يوم تعبت مها جدا قال سعد يمكن من الطريق لان الخط كان طويل وممل ..
قالت ام سعد/ سعد لازم توديها المستشفا قال لها/ليه ماله داعي..
قالت / لا لازم تحلل لها ..
قال /وش احلل لها وش فيك يا امي؟؟
راحو المستشفا ومها تكره المستشفيات وتكره الكشف ..
قالت ام سع لازم نسوي تحليل ..
قالت مها / ليه يا خاله ماله داعي ...قالت/ الا لازم
سوو التحليل وطلعت مها حااااااااااااااااااااااااااااااااامل وتقول الممرضة مبروك مبروك
طبعا الام تقول مبروك يا سعد وبروك يا مها وهي تبكي من الفرحة..
سعد انصدم بس كانت ابتسامه عريضه تملاء وجهه
قام من الكرسي واخذ بيد مها وقال لها الف مبروك يا ال مها ماني مصدق مدري وش اقول لك ؟؟
قالت مها الله يبارك فيك ..ولا انا مصدقة..
مرت الايام عادت ام سعد لابنائها ...وسعد عاد الى عمله ....وكانت مها تكتشف في زوجها صفه جديده
كانت تكره فيه انه يدخن ولم يترك الدخان ...كان لا يصلي ...
والمصيبة الاكبر لما شافت بطاقة العايلة كان اكبر منها بكثيييييييييييييييييير
حاولت تغير سلوكه بدون فائده ...
تزوجت اخته وسافرت مها وسعد لحظور زاجها كان البيت عندهم زحمة قرر سعد ان تذهب مها لاهلها حتى موعد الزواج ..
فرصة لمها فهي ما شافت اهلها من يوم ما تزوجت ...بس كانو دايم يسألون عنها وتكلمهم بالتلفون..
مها بتبكي من الفرحة ..واخيرا بروح لاهلي..
طبعا وداها سعد وراح دخلت مها ....فرحااااااااااااانه بعودتها لبيت اهلها وسلمت على اهلها وهي تبكي كان القاء صعب جدا فهي لها اربعة شهور ما شافتهم ..
قابلت ابوها بالاحظان وبكا كل اهلها لان زي ما قلت لكم كانت اول وحدة في العايله تخرج...
وبعد كم يوم جا سع بياخذ مها ..
قالت مها /الزواج باقي عليه ايام خليني شوي عند اهلي..
سعد / لا خلاص ما شبعتي ودي تجين ابيك في موضوع..
تقول مها في نفسها اللهم اجعله خير..
طبعا راحت مها مع زوجه عند اهله ..كانت تحس نظراتهم لها غريبه ..بس معاهم حق وش جايب هذي في هذا الوقت..كانت مها ترخي رأسها حياء من هذه النظرات ..
وفي الغرفه الي حاطين مها فيها طبعا مو غرفة نوم بل كانت مجلس الظيوف نظرا لظيق البيت عند اهله ..
دخل سعد وقال انا محتاج فلوس مدري كيف ادبرها دبريني يا مها شوري عليه وش اسوي اختي بتتزوج وناقصنا واجد ..
سكتت مها ..وبعدين ردت على سعد
قالت/انا ذهبي كثير خذ طقمين ومحد يدري..
سعد / لا بس اهلك وش بيقولون..
مها / وش دخل اهلي بأموري الشخصية صدقني الي بيني وبينك محد يدري عنه من اهلي وانا ادرا كيف ادبر اموري ومال أحد في اشيائي الخاصة..
سعد / يعني تبين تقنعيني ان محد من اهلك يدري عن تفاصيل حياتك معي..
مها / طبعا لا محد يدري وربي يشهد على كذا ..
طيب باخذ طقمين من ذهبك بس لحد يدري..
مها وهي تظحك/ تطمن والله محد يدري..
سعد يالله نروح السوق نبيعه..
مها / عادي أي وقت تحب انا جاهزه.
سعد / طيب خليه في الليل كأننا بنروح نتمشا وننزل السوق طيب؟
مها /طيب على خير..
كل هذا والاهل يحسبون سعد جالس في الغرفة يتغزل في مها ومقهورين لان مها جات واخذت سعد منهم ..
مايدرون إن السبب الحقيقي إن سعد طفران وجايب مها تساعده ..
وبعد صلاة العشا استأذن سعد من والدته وقال بنروح نتعشا برا انا ومها ..زعلت الام (طبعا معها حق )
وقالت لا تمشو وتعالو ..قال سعد طيب
لاحظت مها سيطرت اهله عليه ولاحظت إنه ماله كلمه ..لكن بررت هذا التصرف وقالت في نفسها بار بأمه
ما عليه انا اخذته منها ..
طبعا ما كانو بيتمشون ولا شي كان بس الهدف من الخرجه هي بيع الطقمين الذهب علشان وزي ما قال ان اهله مزنوقين..
رجعو من برا لتناول العشاء..
وطبعا تسمع الدق من اخواته بس تسكت لانها اصغر منهم وكانو كل الثلاثه البنات في الجامعة في ذالك الوقت.
طبعا من اليوم الثاني رجعت لاهلها علشان تكما بقية الايام معهم حتى موعد زواج اخت زوجها..
الام تسأل مها/وش كان يبي ..
مها / والله كان وده اني اتعرف على حرمة اخوه الثاني
الأم / وكيف امرك معه؟؟
مها / تمام والحمد لله والله هو طيب..
الام / الحمد لله يعني ظغطي عليك جاب نتيجه..
تقول مها في نفسها (وربي لو ما كان الي في بطني كان فيه امور جدت محد يدري بها )
كانت مها تحس ان سعد ما يبيها وكانت تشوف تصرفات اهله كلها اوامر له وهو ما يتذمر بس لو تطلب مها منه شي يثور لاتفه سبب وكانت مها تخاف انه يصيح فيها وتسكت..واوقات تبكي..واوقات نهائي ما تتناقش معاه..
وأخيرا جا الفرح المنتظر ..
في يوم الزواج ..
طلب سعد من مها تكون مستعدة في المغرب..طبعا مها وزي ما تعودت دقيقه جدا مغرب وهي جاهزة اخذها من بيت اهلها وأخذت كل اغراظها معها .. ودخلت السيارة مع سعد كان متوتر جدا هدته مها وقالت ليله وتعدي لا تزعل اهلك منك (كان جدا عصبي)لان سوالف الحريم ما تعجبه ..فكان فستان اخته كلفها عشرة الاف وسار سعد يسوي مقارنه مها تزوجت قبل اربعة اشهر ما سوت كذا ..
مها / انا غير ذوقي بسيط فستاني اجار وأجاره متواضع ..
سعد / طيب ليه ما تتخذ فستان اجار ..والا كل الناس بيشوفونه ..افكار غريبه..

ونتابع في الحلقة الجاية...

**حفيدة غزالة** · منذ /07-03-2010, 05:26 PM

الحلقة الثالثة...................
سعد / طيب ليه ما تتخذ فستان اجار ..والا كل الناس بيشوفونه ..افكار غريبه..
مها / طيب اعصابك شوي شوي لا تعصب..
سعد والله من جد الرجال يتعب في الفلوس والحريم يبذرون..
مها / في نفسها الي يسمعة يقول فقرته..
المهم دخلت مها القاعه وأستقبلوها كلهم بكل إحترام وتقدير وجلست قالت الام روحي (عبير) تبيك (عبير العروسة)
استغربت مها ..
دقت الباب ودخلت ..مبروك يا عبير الف مبروك ...كان زفة الغمرة وهي قريب صلاة العشا وكانت البنت تلبس فستان احمر وتتنقب..طبعا مها ما سوت كذا ..فكانت عادات مختلفه بين المجتمعات..
المهم طلبت عبير من مها الحزام الذهب علشان تلبسه على الفستان .. وافقت مها قالت عادي بس اغراظي في السيارة..
قالت ما ابي احد يعرف قالت طيب..
ذهبت مها وكلمت سعد وطلبت منه شنطتها بحجه انها نسيت طقم لها تبي تلبسه احظر سعد الشنطة
واعطت مها عبير الحزام الذهب ولبسته وهي تشكر مها ..قالت مها / احنا اخوات ...
سارت الزفة وبعد كذا سارت الام تقدم مها للمعازيم ..هذي مرت سعد ...وكان السؤال دايم ليه ما ترقص
تجاوب ام سعد والله حامل وخايفين عليها تعرفون بكرية ..(اصلا مها ما تعرف ترقص بالمرة)..
وانتها الزواج...
وفي اليوم التالي..كان اهل البيت كلهم مجهدين جدا من السهر ..وكان النوم يغلب على الجميع ..
كلنت مها تصحو على صوت عمها (ابو سعد) كان يصيح بصوت مرتفع الصلاة الصلاة كان هو الوحيد في البيت الي يصحا للصلاة..
كان يقترب من المجلس حيث مها وسعد نائمين ويقول بصوت كلة حنان ورفق ياسع قم الصلاة الله يهديك ..
مها ..مها..ترد مها على الفور ايوه يا عمي صاحية يجزاك خير صحيتني ..كان ابو سعد مبسوط جدا من مها
وكان يحب والدها وجدها جدا ..وكان والدها وجدها يحبونه ويقدرونه..
مر ذالك اليوم ..وقال سعد لمها ان اجازته انتهت لازم نرجع للرياض..
كان حزين جدا لترك اهله... صبرته مها وقالت إش ما اشتقت لبيتك ..؟؟ما اشتقت لاكلي ؟؟
مع ان مها كانت زعلانه اكثر من سعد لانها تركت اهلها وتركت اخواتها وتركت اجمل الذكريات لكن لازم تعيش لان هذي سنة الحياة..
حزمو امتعتهم وودعو الاهل ومشو ...كان في تلك الفترة ما زالت مها تكتشف كل عيوب وحاسن زوجها..
كان يوقفها في الخط عند احد المساجد وتدخل مها تصلي وهو يستنيها برا ...كان لا يصلي الا على حسب مزاجه..
وصلو البيت ...وبداء دوام سعد ..وبداء الروتين كانت تصحا من الصباح قبل سعد وتجهز له القهوة وتصحيه للدوام وكانت تذكره بمواعيدها في المستشفى وكانت تحس جدا بغربه ووحده لانه كان يأتي من العمل ويتغدا وينام الى الساعه الواحده بعد منتصف الليل كانت في الفترة هذي تكون لوحدها ...ملل..
تندمت على الدراسة الي تركتها ..
في يوم من الايام..تقول مها ...سعد وش تبي بنت والا ولد ...طبعا رجل شرقي وش تتوقعون؟؟
قال / والله نفسي في ولد بس إحزري الاسم ؟؟
مها / وش صعب لذي الدرجة ؟؟
سعد / طبعا ..
مها / طيب بحرف ايش ؟؟قرب لي علشان احزر
سعد / بحرف ن
مها / تصدق عاد ؟؟لو قلت لي بحرف ال (ت) كان قلت تأبط شرا ..من كثر منت مولوع بكتب الشعر الجاهلي ههههه
سعد وهو يضحك /هاه؟؟ وش الاسم ؟؟
مها / يمكن ناصر؟
سعد / تصدقين توقعت ما تجيبينه ؟؟
مها / ليه .. عادي..الاسم مو غريب مره..

ومرت الايام وكبرت بطن مها وثقلت حركتها في البيت لكن سعد كان يطالب بكل حقوقه وواجباته الزوجية تعبت جدا مها ووصلت لسابع ..فقرر سعد إرسالها لاهلها لتكمل عند اهلها بقية حملها حتى تلد وتقوم بالسلامة ..
اخذ إجازة اضطرارية وسافر مع مها الى اهلها ...
طبعا كان قد تعود عليها فكان وهو يودعها حزين على فراقها لانها فرضت عليه إحترامها ..
سافر سعد بعد ان ودع مها ودخلت مها على اهلها فرحة جدا لانها ستمكث وقت طويل عندهم ..
لكن ايظا مها قد تعودت على سعد على الرغم من انها كانت تتوقع انها لو ذهبت الى اهلها سترتاح لكن بالعكس
ما ارتاحت ..فكانت تفكر دائما في زوجها ..مرت الاشهر ببطء شديد على مها كان سعد يتصل عليع دائما
ويشتكي لها على الوحدة وانه فقدها..
وكان سعد يتصل على اهله دائما ليتطمن على احوالهم..وكانت امه تسأل دائما على مها ..

وفي يوم الولادة ...ذهبت مها مع والديها الى المستشفى ...حيث عاد الاب وبقيت الام هناك معها..
وولدت ولد (طبعا ناصر) فرحت والدتها جدا جدا وبلغت والدها..في هذي الفترة لم يكن هناك جوالات ..
اتصل والد مها على عمل سعد..حيث كان سعد ..وكان يتوقع سعد هذا الاتصال وكان جالس عند التلفون نقدر نقول احساس الأب..دق التلفون وكان له نغمة معينه إذا كان الاتصال من خارج الرياض..قفز سعد من مكانه ..
كان والد مها ..الو ...الو ..ممكن اكلم سعد؟؟انا سعد هلا عمي كيفكم طيبين؟؟
الاب / والله الحمد لله ..مبروك جالك ولد ..
سعد / بالله من جد الله يبارك فيك طيب كيف مها كيف الولد ..عمي ..شفتوه كيف شكله ..والله ما ادري مرتبك ما اعرف وش اقول ..الحمد لله على سلامة مها ..
الاب / ههههههه وش بك يا سعد مرتبك الله يسعدك ويقوم امه بالسلامه وتربونه سوا على التقوا والصلاح..
سعد / إن شاء الله يا عمي إن شاء الله طيب كيف اقدر اتصل على مها ؟؟
الاب / خذ عند رقم المستشفى ودق عليها يمديها خرجت من الغرفة وطلعوها فوق..

اخذ سعد الرقم واتصل على السنطران وكان التلفون في الغرفة خربان فأظطرت ام مها ان تذهب الى الاستقبال وتكلم سعد وطمنته على مها لكن ما كلمها لانها كانت متعبه جدا ونائمه بع الولادة المتعبه..
إتصل سعد على والته وأخبرها ..كان ناصر اول حفيد ذكر لها ..فرحت كثيرا وحاولت ان تتصل على المستشفى بدون فائدة...

وفي اليوم التالي..كتبو لمها خروج هي وصغيرها ..طبعا استلمها والدها ووالدتها ..وخرجو الى البيت..وهناك تلقت مها كل رعاية واهتمام من اهلها..وفي ثاني يوم من خروجها ..اتصل سعد بعد جهد جهيد..
سعد/ الو..
الأم / الو
سعد / السلام عليكم كيفك يا عمة؟؟
الام / الحمد لله يا وليدي مين سعد هلا حياك الله ..
سعد / عمه ممكن اكلم مها؟؟
الأم / طيب شوي بس اودي لها التلفون..

بعد لحظات كلمت مها سع ..مها بصوت متعب/ الو
سعد / كيفك يا ام ناصر؟؟؟
مها / وش خلاص سرت ام ناصر؟؟هههه
سعد / طبعا ام ولدي ..عسا ما تعبتي.؟؟
مها كانت شديدة الحياء في هذي الامور..وبدون تفاصيل قالت / مافيه شي يجي بالساهل..
سعد / الله يقومك بالسلامه ..
ناصر يبكي بصوت مرتفع ...سعد يسمع الصراخ ..وهو مبتسم يسأل مها كيف شكله ؟؟حلو؟؟؟ليه يبكي؟؟
فرحت مها بأهتمام سعد وقالت يارب انه يحس بالمسؤليه ويهديه ربي وينصلح حاله..
طبعا استمر الوظع يوميا يكلم سعد وتكلمه مها..
وبعد خمسه عشر يوم اتو اهل سعد وقد اعتذرت ام سعد كثيرا على التأخير ..سبحان الله كانو اهل مها لا يدققون في هذه المسائل ..يعني ليه تأخرتو ؟؟ليه ما جيتو؟؟الي يجي الله يحييه زالي يروح مع الف سلامه..

جاء والد ووالدة سعد وباركو لمها زجابو الهدايا معبرين عن فرحتهم بقدوم ناصر...

مرت الايام وكان سعد طوال هذه الفترة يحاول ان يأخذ اجازه بدون فائدة..
وأخيرا قدم اجازته خمسة ايام فقط ..وتوقعت..وسافر الى اهله..

وبعد ان استراح من عناء السف اتصل على مها وقال انه قادم.. فكانت اول زيارة له ..سوف يرى ناص..ابنه,,المنتظر ..كان شعوره يتملكه فرحه كبيرة ..مع إحساس بالمسؤليه تجاه هذا الصغير الذي كان والده اخر من يراه....دخل سعد والابتسامه تملاء وجهه ..سلم على عمته وعمه ..
ذهبت ام مها وأحظرت ناصر ووظعته بين يدي والده ...سبحان الله ابتسم ناصر ابتسامه عريضه لوالده ..
اتت مها /وسلمت على سعد بعد غيبه اربعه اشهر..كان لقاء عادي جدا حياء من والدها ومن والدتها التي كانت تراقب ردة فعل سعد عندما يقابل مها..
خرج سعد بع العشاء ووعد بزيارة ثانيه وذهب الى اهله..
الام تقول لمها / ياربي وش ها البرود ليه ما سلم عليك ؟؟
مها /وليه يسلم كفايه صافحني خلاص انا ما ابي شي..
الام / توقعت يسلم عليك يحظنك..اي شي يغبر عن فرحته فيك..

مع الاسف كان سعد مو بارع في التصرفات هذي ...

عاد سعد الىاهلة...وهناك اخذت الام تملي عليه النصايح كيف يسوي وكيف يتصرف كأب ..
رد سعد على امة..أمي كله منك انتي الي ورطيني بهذي البنت...
الأم وهي مفجوعة / ليه يا وليدي سار منها شي ..
سعد / مو هذا الي قاهرني ما جا منها شي ..والله اني يمر عليه ايام ما اتكلم معا في اليوم الا كلمة او كلمتين بس البنت ساكته واقول يمكن تزهق ابيها تصارخ ابيها تعترض لكن بدون فايدة ..ما ادري يا أمي فيا قوة صبر غريبة.. يمكن محرومة ؟؟يمكن ما يهتم بهم ابوهم يمكن مقتر عليها وعلى اخواتها ..علشان كذا مبسوطه معي..
قالت أم سعد / لا والله ابوها مافيه زيه ابد مدلل بناته مرة ومو مقصر معهم في شي..
سعد / طيب ليه متمسكه بي كذا ..
نسي سعد ان مها بنت اصول ومربيها ابوها زين .. طبعا نسي وقفتها جنبه ..
قالت الأم اتحمد ربك انك طحت في بنت حلال ...قال الحمد لله وهو ماهو راضي ..

عاد سعد في اليوم الثاني لأخذ مها وابنه ناصر الى بيت اهله ..فكانت اغراض مها وابنها كثيرة قالت لسعد
سعد الله يخليك شيل معي الشنطة او شيل الولد..قال سعد ليه شايفتني حمال عندك..
سكتت مها ..(مشكلة مها انها لا تحب الحوار الي يجيب مشاكل)
شالت ولدها وشالت الشنط معاها..ركبو السيارة...قال سعد / مها وش فية شي زين مخليك تتمسكين بي.؟
مها / والله انت ابو ناصر ..وناصر ولدي..ولازم نكون اسرة حلوة متماسكة علشان اولادنا ما يطلعون معقدين..
( جواب شافي ..لكن سعد ما اقتنع ) طيب كيف علاقتك باهلك ؟؟ كيف ابوك معكم ؟؟
مها / ابوي مافيه زيه ابد ..سعد مقاطع مها / ولا انا .؟؟(ماخذ في نفسه مقلب الأخو)
مها / وربي ولا انت..ابوي عمرة ما خلاني احتاج لشي كان قبل لا اطلب طلباتي عندي ابوي صديقي يسمع مشاكلي امي صحيح ما انكر فضلها لكن ابوي شي ما يوصف ابوي ...مهما قلت ما اوفيه حقه بالكلام..
سعد / ليه قصرت انا معك في شي؟؟
مها / انا ما قلت كذا ..انت سألتني وش رايك بأبوك وانا رديت..
وجلس سعد طول الطريق زعلان بدون ما يتكلم ..ومها تحاول تكلمه بدون فايده..حست مها بقلة الحيله
وتقول في نفسها انا وش الي حذفني هذي الحذفة)اللهم يارب إذا كان هذا عقاب لي بسبب ذنوبي يارب اني تبت اليك توبة نصوحا..وإذا كان هذا إختبار لي فيارب ارزقني الصبر وحنن قلبه علية وعلى ولده...آمين..
قالت مها /وربي يا سعد اني اتمنا دايم اسولف معك لكن كل حواراتك تنهيها بزعل ليه؟؟ما ادري؟؟
قال سعد / والله انتي اجاباتك الي زي وجهك..
قالت مها وهي تضحك يعني حلوة...هههه
سعد /والله مدري...مها /لالا حلوة عارف ليه.؟؟؟سعد/وليه يعني؟؟
مها / لانك اخترتني...هههه وما أشك في ذوقك هههههه
سعد / شوفي بصراحة مو انا الي اخترتك امي الي اختارتك...وبعدين قلت اجرب اتزوج وأشوف كيف الزواج ..
مها / وبعدين ؟؟
سعد /بس تزوجتك...وبس جبنا ولد ..وبس واحنا الى الأن مع بعض..وبس
مها / ايه وش يعني؟؟ سعد /ولاشي ..كثرت مسؤلياتي وبس..
مها / طيب مسوي ترد لي مدحي لأبويه يعني هههههه
سعد / لا والله بس ابي اقنع نفسي انك مو شايفة خير عند اهلك وما شفتي الخير الا عندي ..لاني ماني شايف سبب لانك تعيشين معي..

نتابع في الحلقة القادمة.........

**حفيدة غزالة** · منذ /07-03-2010, 05:27 PM

الحلقة الرابعه...................
كان سعد دفش مرة مع مها ..وحست مها انه بالعاني يبي ينرفزها فسكتت منعا للمشاكل...
سعد / وش بك سكتي ؟؟؟ تكلمي
وكانت مها ساكته ما تتكلم ...خوفا من المشاكل..
سعد تكلمي ردي عليه والا وربي لأرميك من السيارة انتي وولدك...
خافت مها ..يوه يسويها ما استبعد عنه أي شي...
قالت مها / وش تبيني اقول كل كلامك هذا لا تعليق عليه ..وانا تعبانه وما ابي اتناقش...
سعد / شكل اهلك ما لينك عليه...
مها / هههههه طيب وش قلت لك شي غلط ..علمني ..وحقك عليه ان كنت غلطت عليك ..وش سار ؟؟
سعد / ساكت ولا يتكلم ..(يا زين ما سوا)
دخلو على اهل سعد ..كانت مها مبسوطه وتضحك وتسولف مع والدته ..لكن سعد ما كان مبسوط..
دخلت ام سعد عليه وقالت يا سعد وش فيك ؟؟
سعد / برجع للرياض ومسؤلياتي كثرت..احس اني مدري وش فيه ؟؟حتى زعلت مها مني مدري ليه؟؟
ام سعد / يا وليدي صدقني هذي البنت ما تشيل في نفسها ابدا روح راضيها وما يسير شي..
سعد / ان شاء الله يسير خير..
وخرج سعد مع اصحابه ..
في هذي الفتره دخلت مها الى المجلس ونامت هيه وولدها لوحدها..
وجا سعد في وقت متأخر من الليل ..كانت مها نومها جدا خفيف ومتقطع..خصوصا إذا غيرت مكانها
صحيت لكن مل تحركت من مكانها ..قالت في نفسها احسن ما يسمعني كلمة تهز بدني..أنام احسن..
وكان سعد فعلا كل ما يجي بيقول كلمة حلوة لمها يعصب ويتنرفز وتنقلب لمشاكل..
في الصباح ..صحي سعد ومها جالسه ترضع في ناصر ...قالت مها / صباح الخير (وهيه مبتسمه)
سعد / صباح النور.. وش علوم نصور
مها / الله تصدق اول مرة اسمعك تدلعه كذا ...
سعد / ليه هذا ولدي ..حبيب قلبي.
استغربت مها من تغير سع لكن بررت له ..يمكن كان مرهق من السفر..
و فطرو مع بعظ وسعد مبسوط ويشيل ابنه ويلاعبه ..في هذي الفترة دخلت ريم اخت سعد عليهم وهي تقول سعد ودي نصور لأمي تبغا توريه اخواني..
قال سعد / طيب
ذهب سعد وبقيت ريم ..تكلمت مع مها في امور كثيرة كانت كل كلامها تحريض ..وتقول الرجل لازم تعاملينه بنذالة ..و,ووووووو بس مها كانت تضحك لان سعد مو من ذا النوع سعد خلقة مو متقبل الزواج فما بالك بتتمنذل معاه ..
علما بأن ريم طالبه جامعية اكبر من مها ولم يسبق لها الزواج..
عاد سعد بنصور الصغيرون ...كان مالي البيت لأنه أول حفيد ولد ..
قرر سعد السفر في اليوم الثاني ...حزمو الحقائب واستعدو ..وكلمعتاد سعد متذمر...عادي تعودت مها على هذا الوضع ...مو جديد عليها..
تقول مها /ياه تصدق مهما بعد الواح عن بيته لازم يشتاق له ويرجع مرة ثانيه...
سعد/ اكيد..
وعادو الى منزلهم الصغير المتواضع لكن هناك شخص ثالث معهم وهو نصوري..
مرت الأيام كان ناصر في كل يوم يكبر عن اليوم الي قبل ...ملا حياتهم..وفي هذا الوقت عرفت مها مداخل سعد وعرفت كيف تكسبه وعرفت متى يكون زعلان ومتى يكون فرحان ...
وكانو لما ينزلون اجازة عند الأهل كان سعد دايم التذمر من مها ...لكن إذا غابت فترة عند اهلها يفتقد اكلها ويفتقد الملابس النظيفة لان اهلة ما يهتمون كثي فيه ...طبعا الزوجه غير الأم والأخت...
تمر الايام اسلاطة لسان سعد تخف كل سنه احسن من الي قبل...
وبعد مرور سنتين حملت مها وانجبت ولد وسموه أحمد ...وكان هو وناصر من اجمل الاطفال في العائلة
وكانت اخت سعد عبير تغار من مها عندما يمدح سعد طبخها ..وتقول / إش ذا المها الي اخذت عقلك
ارتبط سعد ارتباط كبير بعائلته الصغيرة وأصبح اب لهم وموفر جميع طلباتهم ...
وكانت مها مدبرة جيده ..وكان سعد يتمنا ان يشتري بيت صغيرون يجمع فيه مها واولاده فيه...
مرت الايام وتزوجت اخت سعد ريم /وكانت دوما تجلس مع سعد وتخبره بمشاكلها مع زوجها ..كانت قد تخرجت من الجامعه وهي الأن معلمه..
كانت تقول ان زوجها بخيل عليها جدا وهي الي تصرف على البيت...
وكانت تقول لمها :تصدقين زوجي مطيع جدا لاني اصحا من النوم وهو الي يطبق البطانيه على السرير..
وهو الي يكوي شماغه تخيلي...ههه
كانت تقول مها/ليه كذا حرام طيب انتي مسؤله عن كل هذا...
تقول ريم/لازم تورين الرجال العين الحمرا...مو لازم تدلعينه...يوه يا مها الله يعينك على سعد..لو إن زوجي زيه تطلقت..
صح صادقه لو ريم تزوجت واحد زي سعد كان الله يعين ..لانها ماتطبخ وكل الاكل من المطعم...
وفي الطريق للعودة للراياض دايم سعد عبوس الوجه ...بس ذي المرة غير ويقول لمها تحمدي ربك انك لقيتي واحد زيي..اختي تقول يخليني انا الي اصرف على البيت ...
وقتها مها عرفت ان في راس ريم شي تبي تفرق بين مها وسعد..
قالت مها طيب يا سعد ليه زوجها كذا يعاملها ؟؟تصدق قالت لي انه هو الي يطبق بطانية السرير..
سعد / من جد؟؟
مها/وربي....وتقول كمان هو الي يكوي شمتغة بنفسه....اسألك بالله عمرك كويت شماغك بنفسك؟؟؟والاعمرك رتبت مخدة السرير؟؟
كأن سعد فهم قصد ريم ...قال لمها /شوفي تراني افهم واعرف اسباب غيرتهم منك ...
مها /هاه ليه يغارون؟؟
سعد / شوفي انتي بنت ذكيه وربي طيحك في واحد صبرتي عليه كثير لكن الحمد لله كانت نتيجة صبرك انه سرتي احسن وحدة في نظرة ...وربي رزقك بولدين حلوين..كل هذا وتقولين وش عندي يحسدوني عليه؟؟
طبعا اول مرة يقول سعد الي في خاطره ..كانت مها جدا سعيدة لكلام سعد عنها...
مرت الايام كبر ناصر واحمد كان ناصر يدرس واحمد كان في الروضه كان البيت هادئ وجميل..
وكانت مها كعادتها ماتحب المشاكل وما تسمح لسعد بالعصبية ...
في يوم من الايام اتصلت ريم على سعد وسارت تتكلم معاه في مواضيع مختلفة ...
واصبحت ريم اتصالها بسعد بشكل يومي لاحظت مها في الفتره هذي مزاج سعد متقلب مره راضي عنها ومره ساخط عليها وعلى العيال...
قررت مها ان تكمل دراستها لانها تشتكي من الفراغ...ودخت الصف الثاني ثانوي...ونجت بأمتياز وكانت مبسوطه جدا ..
في هذي الفتره اتصلت ريم واخبرت سعد ان اخت زوجها تطلقت...
وقالت تصدق ان هذي البنت ملكة جمال لكن ما لها حظ (بالله وش دخل سع)
وقالت تقول امها لو يتقدم سعد اخوك وافقت عليه...
قال سعد/ بالله .. عمتي......قالت كذا ؟؟
قالت ريم / والله من جد شوف زبط امورك...بالله وش عاجبك في مها والله مافيها شي حلو ...
لا لبس ولا ذوق ولا ولا شي
سعد /قال طيب بفكر في الموظوع..وأرد منك
ريم /بسرعة ترا البنت تستني منك رد والله مدرسة تشيل نفسها ما تخليك تصرف عليها مو زي ....

(وبدأت ريم في المقارنات )
معاد سعد مثل اول سار سليط السان زي زمان وسار يضرب اولاده في كل وقت ...
لاحظت مها التغيير ...قالت سعد عمري وش بك فيك شي عندك مشكلة في الشغل؟؟؟
قال سعد /لا بس متظايق سيبيني وحدي..
خرجت مها وبينما هيه تمشي في الممر اتصل سعد على ريم...
وقال وش اسوي بالعيال ؟؟
قالت ريم /وش فيك يا سعد كأنك ما عندك اهل خلهم عند امي ..
قال سعد / طيب والمهر مشكله ما عندي؟؟
قالت / على المهر سهل مرة انا ادبره بدخل جمعية مع صاحباتي وادبرة لك بس؟؟
قال سعد / طيب كلمي الناس...
كانت نظرة سعد انه بيغير لانه مل من مها وعلى باله ان كل الحريم زي مها ...

نتابع في الحلقة الجاية....معانات مها...

**حفيدة غزالة** · منذ /07-03-2010, 05:28 PM

الحلقه الخامسة....

كانت نظرة سعد انه ييغير لانه مل من مها وعلى باله ان كل الحريم زي مها ...
وكل هذا ومها ما تعرف شي ابد..لكن حدسها يقول إن سعد متغير عليها مهو سعد الاول ..
مرت الأيام وأتصلت ام سع بولدها البكري سعد..
الأم / سعد وش الكلام الي تقول ريم انت انهبلت؟؟
سعد / أمي الله يخليك اتركيني اعيش حياتي زي ما أبي أنا مو زي ما تبين انتي..
الأم / زي ما تبي انت وألا زي ما تدبر ريم ؟؟؟
صدقنبي يا سعد راح تخسر وانا علمتك وش ذنب بنت الناس؟؟وش ذنب ناصر وأحمد ؟؟قول لي؟؟
سعد / مالهم ذنب بس من حقي اعيش الشرع حلل لي اربع..
الأم / مها تعرف؟
سعد / ومن هي اعلمها هذا شي يخصني انا وبس
الأم طيب وش بتسوي كيف بتدفع المهر ؟؟
سعد / عادي يتدبر
الأم / طيب على خير ..
سعد / بس اهم شي لا تزعلين علي..انا ما بطلق مها بخليها على ذمتي وبيعشون معا العيال..
الأم/ طيب شوف إذا طلبت مها الطلاق وين بتودي عيالك؟؟
سع / عندك طبعا
الأم /طيب اسمع شوري..ودي مها لبيت ابوها ..إختلق مشكلة ووديها ..وجيب أولادك عندي من الاسبوع الجاي فاهم؟؟
سعد / ليه ؟؟الي يسمعك يقول زواجي بعد اسبوع..
الأم انت سوي الي اقول لك عليه..طيب..
سعد / طيب وبعدين ..؟؟
الأم / يدرسون العيال عندنا ومتى ما تزوجت تقول لمها وتخيرها إذا تبي الطلاق والا تعيش مع عيالها في هذا الوقت ما تقدر مها تقول لا لانها جربت كيف يكونون العيال بعيد عنها ..فهمت؟؟
سعد / طيب يسير خير..
وفي هذا الوقت كان سعد يجلس بالساعات في المجلس ساعة يكلم اهلة وساعة يخن ويسرح بخياله...
ومها يا غافلين لكم الله ..بس حاسه ان فيه شي..وش هو ما تدري..
وكان عيالها كلهم بالمدرسه ..ناصر بالصف الرابع وأحمد سنه أولى إبتدائي...كانو من اجمل الاطفال كانو متفوقين في دراستهم وكانت درجاتهم عاليه...كانت أم بمعنى الكلمة...وكانت زوجة وما تقصر في حقوقها الزوجية وموفقة بين دراستها وبين واجباتها المنزليه ..في هذاي الفترة كانت تدرس توجيهي وكانت تطمح ان تدخل الجامعة...وكانت عشرة سنوات من زواجها أجمل ما فيها انها أم ل ناصر وأحمد ..
كان سعد في هذي الفترة يترصد لمها وكان يجلس لها على الحبة..لكن مها بلباقتها وحسن تصرفها تحاول ما يبيت سعد زعلان منها ..حزن سعد لمعاملت مها اللطيفة معة ..وفي نفس الوقت لم يجد على مها غلطة ..
وفي يوم من الأيام قام سعد من النوم في وقت متأخر (الساعة3)الفجر وأيقظ مها وقال ابي اكلمك..
صحيت مها وغسلت وجهها وقالت لحظه بس اسوي لك قهوه وأجي..
قال سعد مله داعي أجلسي..
جلست مها ..قال سعد شوفي يا بنت الناس...
(طبعا لما يقول سعد يا بنت الناس تعرف على طول مها انه زعلان لكن من ايش؟؟ماتدري)
قال شوفي يا بنت الناس انا الحقيقه ماني مبسوط معك وانا غصب عني تزوجتك...وحاس اني بظلمك معي
لكن روحي لبيت اهلك وابي اشوف وش اسوي بعدين..
كل هذا ومها مفجوعة من الكلام..
مها / وكيف يعني ؟؟وعيالي؟؟انت من جدك؟؟بعد عشرة سنين جاي تقول انا مغصوب عليك ؟؟وش الكلام هذا؟؟
(سعد ما يقدر يناظر في عيون مها )ويقول/ عادي استحملت لين اليوم وأنفجرت....
مها / طيب وش الي خلاك تنفجر؟؟ظايقتك؟؟زعلتك في شي؟؟قول لي؟؟
سعد / والله لي فترة اشوفك منتي مقصره لاني كنت احاول الاقي عليك زله ولا غلطه لكن اشفتك منتي مقصره لا معي ولا مع الاولاد ..لكن العيب مو فيك العيب فيني انا ..احس اني هذا حدي وهذي طاقتي وما أقدر اكثر من كذا..
مها / والله انت غريب ليه مو من زمان ليه الحين جاي تقول كذا..سعد اسألك سؤال وتجاوبني بصراحة..
سعد وش عندك؟؟
مها / سعد انت بتتزوج صح؟؟
رد سعد وهو مرتبك وش عليك اتزوج ولا لا ما عليك مني المهم لمي اغراظك وأتصلي على أخوك يجي ياخذك..
مها / طيب بتطلقني؟؟
سعد / ما ادري بشوف نفسي لين ما اهدا وأقرر..
(مستغربه مها لين ما يهدا؟؟؟ليه من زعل حظرة جنابه؟؟)
كان وقتها عند سعد في العمل مرابطه اربعه وعشرين ساعة...وعذرته قالت يمكن مظغوط في العمل..
اتصلت وزي ما قال سعد على اخوها ووصل بسرعة وحزمت شنطها وشنط اولادها ورحلت الى حيث يقيمون اهلها..
كانت عطله اسبوع بين الترمين...وكان العيال في اجازه..
وصلت مها وهي تبكي سلمت على والدها ووالدتها..وهي تبكي..يسألونها وش فيه ؟؟وش سار؟؟
ترد مها / وربي يا ابويه مدري فجأه قال لي برا ..
الأب / كذا معقوله ؟؟
مها / قال انه ورط وانه مغصوب عليه ونه هذا حده..
الأب /خير ان شاء الله ..
وأتصل والد مها على سعد وسأله وش الموظوع ...رد سعد بكل قلت ادب وقال انت مالك دخل بيني وبين زوجتي انا حر..
قال ابو مها / طيب وش بتسوي بالعيال ؟؟
سعد / بكرة بيجي عمهم وياخذهمعند امي وبيدرسون عندهم..
ابو مها / كيف؟؟ليه كل هذا ؟؟؟بتطلق مها ولا كيف ؟؟
قال سعد / لسه خليني افكر في الموظوع..ما ادري انا اطلقها والا لا..
وسكر التلفون ومها بتموت من البكا...قال ابو مها / يا مها والله شكله متعبي وبيجي عم العيال وبياخذهم بكرة..
لا تزعلين ...
مها / كيف ياخذون اولادي ؟؟والله مو مصبرني على العيشه معاها الا هم...وش قصده وش يبي؟؟
وش سويت له علشان يعذبني كذا ؟؟؟غلطت علشان صابرة عليه؟؟
(اتظاهر فعلا ان مها غلطانه بأنها تنازلت عن حقوقها لين حسب سعد ان مالها اصلا حقوق)
جا عم العيال في اليوم الثاني واتصل عليهم يالله نزلو العيال..
لمت مها الشنط وهي تيكي ..بس العيال ببرائه يقولون لا تبكي يا ماما احنا بنروح ندرس عند جدة لا تخافي علينا..
(كانو ما يعرفون معنى انك تفقد امك..كيف تجي من المدرسه وهيه مي فيه..كيف تتغدا من دونها ..وهم تعودو ان امهم تطبخ لكل واحد اكلته المفظله ..كان ناصر يحب الأيدامات بانواعها وكان احمد يحب الايدام المسبك مع صحن الرز الايبض...وكل واحد طريقة في المذاكرة...وطريقه في الحفظ..وكانت ا مها تستمتع إذا جو بنامون تقول لهم يالله كل واحد فيكم يحكيني وش سوا اليوم في المدرسه..ويبداء ناصر يحكي..وبعدين أحمد..ولما ينتهون تقول لهم يالله مين حافظ آية الكرسي.؟؟؟ ويقولونها وينامون )

ذهبو الى جدتم ..راحو كل دربه جعله تساهيل...
وما قدرو يتأقلمون كانو عاشين معهم ومحد سأل عن أحد ...في هذي الفترة كانت اصعب ايام عاشتها مها في حياتها حتى انها كانو اهلها ينقلونها دايم الى المستشفى بسبب قله اكلها..
طبعا سعد حصل على الموافقه وسافر لاهلة في يوم الاربعاء ..
وفي هذا الوقت ذهب ناصر وأحمد لزيارة امهم ..وما لحقو يشوفون ابوهم (العريس)
في يوم الخميس سارت الملكة...وعرف والد مها بالموضوع..وما اخبر مها بالسالف ..قرر ان يسكت لين ما تتبين الامور زين... عاد الاولاد في يوم السبت الى مدارسهم..
في هذي الفترة مها تحلمت حلم مزعج...وشافت سعد انه قرصته عقرب سوداء كبيرة ومحد قادر ينقذه..
اتصلت مها على سعد/ الو سعد اسألك بالله انت بخير؟؟
سعد / هلا مها ايه الحمد لله
مها / حلمت حلم مزعج ..اللهم اجعلة خير..
سعد / خير ان شاء الله
مها / هاه وش سار في موظوعنا ؟؟
سعد / مين انتم؟؟
مها / انا واولادك؟؟
سعد / شوفي يا مها جد في الموظوع جديد وصدقيني انا مظغوط مرة وابي ارتاح شويه من التفكير..خليني شوي وبعدين اقابل ابوك وارد منكم...طيب
مها / طيب..
طبعا في الفتره هذي كان مايرسل مصروف لمها يستعد ما ديا للزواج..والاخوات والوالدة المصون ما قصرو
الأم حجزت القصر والاخوات قامو بترتيبات الزواج من كروت الدعوة ومن حجز طقاقة الفرح ومن تجهيزات البيت الي بيسكن فيه سعد مع عروسته...
جلات العطلة الكبيرة...وقدم سعد اجازتة شهر...وسافر الى اهلة...كل هذا ومها ما تدري عن شي..
وعلى العلم بأن اخو سعد مملك له سنتين ومحد ساعدة مسكين في زواجه ..لكن سعد غير لازم يخربون بيته..الشغله شكلها ثار او غيرة او حقد قديم بينهم وبين المها.

نتابع في الحلقة الجاية.......

**حفيدة غزالة** · منذ /07-03-2010, 05:30 PM

الحلقة السادسة..........

مرت الأيام وطبعا قالو اهل سعد لأهل العروسة الجديدة سعد يبي يطلق مها والدليل شوفو عيالهم عندنا
(مؤامرة دنيئة) ..
وطبعا جا سعد قبل العرس بيوم واحد .. وكانت عطلة فرصة يودون العيال لأمهم تتولا رعايتهم علشان المؤامرة لا تفشل...وكل هذا ومها ما تدري..
دخل سعد على اهلة وسلم على امه وأخواته ..وأخذ مفاتيح بيته الجديد وذهب ليراه ...وجد العفش مبالغ فيه جدا
على غير ما طلب كان عفش شقته كلفهم فقط 90 الف بعكس شقته في الرياض(شقة مها)...
اتصل على اهله وقال لهم وش هذا العفش كيف اقدر اسدد لكم المبلغ ...ردو خواته ما طالبناك بشي بس بيض وجيهنا عند الناس ولا تفشلنا...
طبعا كانت العروسه تقرب لزوج ريم فهيه اخته...وعمها زوج عبير...(يعني سمنهم في دقيقهم)مثل شعبي..

سار الزواج وفي يوم الزواج دخل سعد وعروسه الى الشقة...قالت له بسألك سؤال ؟؟
قال سعد / اسألي وش تبين؟؟
دلال / طلقت ام ناصر؟؟
سعد / لا والله لسه على ذمتي وبعدين ما سار منها غلط علشان اطلقها..
دلال / ما اتفقنا على كذا ؟؟انا حسبتك طلقتها..شوف يا سعد انا ما احب الشريكة...
سعد / شوفي مو انتي الي تتحكمين بحياتي ومو انتي الي تقولين لي طلق ولا تطلق..انا حر وتحمدي ربك يوم تزوجتك..
دلال / هذا كلامك ؟؟طيب تحمل ..
ودخلت وسكرت على نفسها باب الغرفة...
طبعا سعد جلس يستني لين الساعة ثمنيه صباحا ما فتحت الباب ..تذكر مها الي كانت ما تخليه ابدا يزعل منها وإذا إدعا انه زعلان تقرب منه بكل لطف وحنان وتقول له والله ما فيه شي في هذي الدنيا تستاهل زعلك ..
وإذا انا غلطت عليك منك السماح...تذكر مواقفها وكأن شريط الذكريات يمر بالفلم البطئ امام عينيه...
يااااه وش سويت بحياتك يا سعد...
قام ودق باب الغرفة ...ودلال ما ترد ...وقال افتحي بس قولي لي انتي عايشه والا ميته...وش بك؟؟
قالت دلال / طلق مها وانا افتح لك...
ولما تأكد سعد من ان دلال بخير قال طيب يسير خير..
دخل الصالة ونام فيها ..طبعا دلال كان لها قسم خاص ..خرجت ولقيت سعد نايم بملابسه وبشته ...ظحكت عليه ودخلت تكمل نومها..
صحي سعد العصر وعاد الى اهله...وطلب من اهله ان محد يكلمه ولا يتدخل في اموره...ام سعد يا ولدي وش فيك وش سار؟؟سعد ما يرد وزعلان ومعصب وتعبان يبي ينام ...
طبعا صحيت دلال في العشا..سعد مو موجود ...
عادي المهم يتربا...
سعد نايم احلا نومه عند اهلة...وجلس يومين عند اهلة ...وكبرت المسألة...اتصلت دلال على ام سعد واشتكت عليها ...وقالت والله ما قدر احد يكلمة ...
واتصلت ام دلال كمان على ام سعد وقالت لها والله ما ادري لكن بحاول اكلمة...
سعد جالس يدخن ويقرا جرايد مثل كل مرة..دخلت امه..وتقول يا وليدي وش بك ؟؟وش سار لك ؟؟
سعد / وش فيني ما فيني شي..مرتاح..
ام سعد / وش بينك وبين دلال ؟؟
سعد / ابد تبي طلبات ما اقدر احققها لها..
ام سعد/ زي ايش ؟؟وش تبي؟؟
سعد / تبيني على كيفها تبيني اطلق مها ..مو على كيفها ..
ام سعد / شوف يا سعد لا نظحك على بعظ..انت ليه تزوجت دلال ؟؟وليه متمسك بمها؟؟اسئلة ماني لاقية لها جواب عندي...سعد انت وش تبي بالظبط؟؟
سعد / امي احس اني في دوامة احس اني ظلمت ام ناصر وناصر وأحمد ...ما ادري ..
ام سعد / شوف انا حذرتك ادري ان ريم حطت لك احلام وردية لكن الحياة وانا امك مو زي ما تتوقع ..لازم تقرر
سعد / اتركيني كم يوم؟؟
ام سعد / وبنت الناس الي تستني؟؟
سعد / لا تظغطون عليه اتركوني افكر...

وفي هذي الفترة كانت مها عند والدها هيه وابنائها..دخل خال مها وهو زعلان جدا ويقول ليه ما علمتوني ان مها لها فترة عندكم ؟؟؟يعني يعجبكم اني اعرف من الناس؟؟
ام مها / اسكت الله يخليك لا تقلب مواجعنا؟؟
الخال / ليه ما قلتو لي ؟؟طيب تدرون انه تزوج؟؟
مها / خالي وش تقول ؟؟كيف تزوج؟؟صدقني يا خال ان سعد مو حق زواج ولا حق تحمل مسؤلية ..كمان بيتزوج؟؟لا صدقني انك غلطان...
طبعا مها متأكدة ان زوجها ما تزوج..كيف يتزوج وهو مو قادر يدبر اجار شقتهم الا بالقوة..وطلبات البيت ما تدبر الا بألف كلفة...
حن سعد لمها ...وقرر يكلمها ..وأتصل رد ابو مها./ الو ..سعد / الو مساء الخير..
ابو مها / مساء النور نعم..
سعد / عمي كيفك..؟
ابو مها/ مين ابو ناصر؟؟هلا والله وش اخبارك ؟؟من طول الغيبات ؟؟؟
سعد / ممكن اكلم مها..
ابو مها/ متأكد انك تبي تكلم مها ؟؟
سعد/ وش فيه؟؟
ابو مها / شوف يا سعد لا تجرحها بأي كلمة ولا تزعلها كفاية الي سويته فيها..
سعد / وش سويت؟؟
ابو مها / تطردها من بيتها وتأخذ عيالها منها وتقول وش سويت؟؟؟والله انت غريب..
سعد/ شوف يا عمي انا طلبت منك انك لا تدخل في مشاكلي انا ومها..
ابو مها / طيب المفروظ ان مشاكلكم مشتركة صح؟؟؟المشكلة ان مها ما تدري ليه انت طاردها ..
سعد / ممكن اكلم مها؟؟
ابو مها / لحظة؟؟
ونادا الاب بنته مها ....وقال هذا سعد...باركيلة على زواجه...كانت مها مي مصدقة ابدا هذي القصة..

وكلمت سعد...الوو
سعد/ مها كيفك والله اشتقت لكم ..
مها / ونت كمان وحشتنا..لحظة كلم ناصر..
ناصر/ الو بابا كيفك طيب اشتقنا لك مرة..وينك يا بابا؟؟
سعد / انا موجود عند جدتك ..
ناصر/ من جد ؟؟طيب متى تجينا ؟؟
سعد / ان شاء الله بجي قريب..حبيبي هات ماما..
ناصر/ ماما خذي بابا بيكلمك..
مها / الو سعد لحظه أحمد زعلان ليه ناصر يكلمك وهو لا..خذ كلمة..
سعد / طيب..
أحمد / الو بابا كيفك يا حبيبي طيب؟؟
سعد / الحمد لله كيفكم انتم طيبين؟؟
أحمد ايوة بابا متى تجينا ؟؟اشتقنا لبيتنا ..
سعد / حبيبي احمد ابي اكلم ماما..طيب..
أحمد / طيب ..ماما ..بابا يبي يكلمك..
سعد / الووووو
مها/ ايه فظيت لك الحين هلا بسعد..
سعد / هلا فيك يا ام ناصر..
مها / وش أخبارك وش علومك ..
سعد/ شوفي هذي دخلتي من السفر ..دوبي جاي من الرياض..
(شكل سعد كان متردد انه يقول لها عن زواجه وحبب يشكك ابوها في الموضوع)
مها / من جد ؟؟الحمد لله على سلامتك..
(كانت مها مستعدة تسامح وتبرر لسعد أي شي الا انه............)

قالت مها/ متى بتجي ؟؟
سعد / شويه بس بريح يومين وبعدين بجي..
مها / على خير ان شاء الله..
قال سعد / ابجي بعد بكرة وباخذ الاولاد..
مها/ ليه ؟؟؟
سعد / علشان يغيرون جو بس..
مها / وأنا ؟؟
سعد/ انتي شويه بعدين نتكلم ..
مها /شوف يا سعد جاني كلام وربي يا سعد لو من جد كل واحد منا في طريق..
سعد/ وش جاكم؟؟
مها /ما ادري كلام ما اقدر اصدقة ..زواج مدري ايش؟؟؟يمكن زواج اخوك الي مملك؟؟ما ادري لكن سمعنا بس ابي تبرير لموقفك بس..
سعد / يسير خير ...ما اطول عليك ابجي واكلم ابوك ويسير خير..
مها/ ما رديت الكلام صح..
سعد / لا تستبقين الاحداث...اجي ويسير خير..
وسكر التلفون وقلبه يتقطع....وش سويت بحياتك يا سعد....

نتابع في الحلقة القادمة..

**حفيدة غزالة** · منذ /07-03-2010, 05:37 PM

الحلقة السابعة........
وسكر التلفون وقلبه يتقطع....وش سويت بحياتك يا سعد....

وجلس مع والته وقال لها/ امي خلاص قررت بطلق دلال..
ام سعد / ليه مفكر بنات الناس لعبه؟؟فاكر يوم قلت لك فكر قبل لا تظلم مها وعيالك.؟؟فاكر؟؟
سعد / جربت وطلعت المشكله مو من مها طلعت المشكله مني انا ...
انا مو حق مسؤلية ولا زواج...افهموني..
ام سعد / لا تفظحنا مع الناس وش بيسوي اخوها لو عرف انك بتطلق اخته وربي ليطلق اختك ريم على طول...من جدك؟؟؟تبي اختك تطلق...
شوف بنت الناس ما بتظرك اذا بتطلق طلق مها وعيالك عندنا...البنت ماتبي شريكة من حقها..
سعد / حتى انتي تقولين كذا ...لا ما اطلق ام عيالي...
ام سعد / شوف يا سعد إذا بتطلق سدد كل الي عليك من الخساير الي خسرناها في زواجك..وبعدين طلق لك الحرية..وهذا اخر كلام..
(تورط سعد ما عنده يسدد كل هذي الفولس )...وسار محتار..
قرر يروح لمها...
ولما جا رايح ...قالو خواته بنروح معك بنتمشا حطنا في حديق وروح...قال سعد / طيب..
في الطريق قالت عبير/ انت من جدك تبي ترد مها؟؟قال سعد/ياريت ترجع معي..
ريم / هههههههههههههههه وربي لو رجعت ان ما عندها كرامة...تصدق لو انا منها لاطردك من عند الباب..
(شوفو الأسلوب ..تقتل القتيل ........)
وصلو للحديقة ..ونزلو ...طبعا سعد سار عنده هاتف محمول تعرفون لزوم الكشخة)
اتصل على مها / الو مها انتم في البيت الليله؟؟
مها / ايوه اهلي رايحين لعرس بنت عمي..وانا وأبوي ما بنروح..ننتظرك؟؟؟
سعد/ ايوه بجي..
مها/ والفرحة بتنط من كلامها من جدكــــــــــــــــــــــ ياه يوم انتظرته بفارغ الصبر..
سعد / كل هذا شوق لي..
(استغربت مها ردة فعل سعد بارد وكأنه يبي يجي يفجر قنبلة موقوتة)
قالت مها لابوها ان سعد جاي فاخر روحتة للزواج طبعا كان زواج بنت عم مها يعني لازم يحظر..
دق الباب وفتحت مها وسلمو الاولاد على ابوهم...ودخلو جوة ..
جابت مها القهوة ..وصبت لابوها ولسعد...
قال ابوها / سعد وش اخبار الوالد ..
سعد/ الحمد لله طيب..
(كان سعد متوتر ويدعي البرود ..وكانت مها متوقعة أي شي ..وملاحظه توتره بس مسويه انها مو منتبهه)

قال ابو مها/سمعنا بزواج في عايلتكم يا ترا مين هل هو اخوك؟؟
سعد / لا والله كان زواجي..
مها / نعم؟؟؟زاجك؟؟؟كيف؟؟؟وش تقول انت؟؟
(كان سعد يتكلم بعنطزة ( بتكبر) ايه زواجي عندكم مانع...؟؟
مها / سعد وش تقول؟؟طيب منهي؟؟
سعد/وش يهمك.؟؟
مها/ فظول
سعد/ دلال..
مها / بنت فلان؟؟اف الحين عرفت وربي مؤامرة دنيئة..
(صاحت مها بقوة سعد طلــــــــــــــــــــــــــقـــــــــــــــــــــ ــنــــــــــــــــي ارجوك)
كانت كلمات مها مثل الصاعقة على قلب سعد .. وعمر مها في حياتها ما طلبت الطلاق...
قال سعد / مها وش تقولين وش اطلقك؟؟؟من جدك؟؟؟
(والد مها يحاول يهدي الوظع لكن بدون فائدة)
مها/ يا ابوي عمري ما طلبت منه شي فوق طاقته عمري ما قصرت عليه بشي..(ولفت على سع )سعد اسألك بالله عمري قصرت معك ولو مرة؟؟
سعد/ لا والله عمرك ما قصرتي..
(ابو مها/ شوف يا سعد روح وبعدين نتفاهم الحين مها تعبانه..
سعد /لا ابي اكلمها..
مها /وش بتبرر ؟؟وش عندك ؟؟وربي ما اسامحك؟؟؟شوف افظل طريقة الطلاق صدقني هو الحل..
سعد/ شوفي هم كمان يظغطون عليه علشان اطلقك..لكن ماني على كيفهم...
مها/ لاه منت على كيفهم اجل وش تسمي زواجك من دلال حسبي الله ونعم الوكيل..
سعد/ شوفي يا مها كل هذا تدبير من اخواتي ..لكن لا تخلين احد يفرق بيننا..وصدقيني بطلبك هذا بتشمتينهم فينا..
مها/ والا ما شمتو باقي؟؟
سعد/ صدقيني كانت كلمة وما حبيت ارجع فيها...ودفعو لي المهر ودفعو لي كل تكاليف الفرح يعني جاهزة..
مها / طيب وش تبي مني.؟؟
سعد/ ابيك اذا انتهت الاجازة ترجعين معي الرياض..
مها / افكر..
سعد/ مها لا تخلين احد يدخل بيننا صدقيني حتى دلال طلبت اني اطلقك..لكن مو على كيفهم..مها ارجوك لا تتهورين..
مها /افكر وارد منك..
(اخذ سعد اولادة وذهب الى بيت اهلة بعد ما ممر في الحديقة واخذ خواته )
سألته امة وش سار؟؟
رد سعد/ انا متأكد ان مها تحبني وبترجع لبيتها واولاده..
الام /وطيب دلال لازم تروح لها..
سعد /طيب اليوم بروح بس لا تظغطون عليه ...
(كان حمل وانزاح من فوق قلب سعد عندما اعترف لمها)

عاد سعد لدلال وطبعا قد اخذت درس في هذا اليومين على كيفية التعامل مع سعد...
دخل وقال سلام عليكم..
دلال/ وعليكم السلام..
جلس سعد..وقال شوفي انا ما احب احد يتدخل في حياتي الخاصة...
دلال/ ما ابي اتكلم عن الماظي...ابي اتكلم عن بكرة..ممكن..
(سعد ما يبي مشاكل... قال ممكن)
دلال/ نبداء صفحة بيضاء وما ابي أي منغص ينغص عليه حياتي..طيب
سعد /طيب..
كانت دلال لبقة ودلوعة بحكم انها اكبر من مها بخمس سنوات وكونها مدرسة)

قالت مها وين تبي نروح شهر العسل؟؟
سعد/ أي شهر عسل..طيب وين تبين؟
قالت دلال/ نروح ماليزيا؟؟
سعد/ من جدك انتي ؟؟انا و مها عمرنا ما خرجنا من الريض الا لاهلي وأهلها..تبين انتي ماليزيا؟؟
دلال / ايه بروح ما يطلع لي اروح ..
قال سعد /اشوف..
(طبعا اتصلت بطريقتها على اام سعد وقالت لها علشان تظغط عليه...
وطلبت امسعد من سعد انه يجي عندها في البيت ..
جا سعد ..وكانت امة شايلة ظرف فيه خمسة عشر الف ريال وقالت هذي لك روح قظي شهر العسل انت وحرمتك...
قال كيف عرفتي ؟؟
قالت / شوف يا وليدي هذي مي مها ترضى بالقليل...هذي بنتنا واحنا نعرف عنها كثير لازم تعطيها علشان تروح لاهلها وتمدحك عندهم...
(عقلية غريبة)

اخذ سعد الفلوس وقال لدلال تستعد للسفر..
وكان ناصر واحمد مو مصدقين ان ابوهم تزوج...وكانو عماتهم يتفننون بإيذائهم ..يقولون ياحرام وين امكم ؟؟؟ياحرام تزوج بابا؟؟
_كل هذا علشان ما يجلسون عندهم ويرجعون لامهم...
سافر سعد وترك اولاده في فك الذيابه ..
ولما رجع من سفرتة وجد العيال يبكون واثار الظرب واظح فيهم ...وعندما سأل امه قالت /عيالك مو متربين..

طبعا قال لدلال /شوفي انا راجع الرياض..
دلال/ مع هذيك؟؟؟
سعد/ وبعدين معك ؟؟؟وش قلنا؟؟
دلال/يووووه انا ما ابي شريكة ليه ما تفهم...
سعد/ والله هذا الموجود...عجبك اهلا وسهلا ما عجبك الله يستر عليك..
خرج سعد من البيت.واتصل على مها ...
كانت مها منهارة جدا ....
قال سعد / مها صدقيني احسن لك ترجعين معي طيارتي بكرة انا وانتي واولادنا..
قالت مها / شوف يا سعد وربي اني ما ادري ليه كا هذا ليه الخبطة ذي؟؟؟الحين بتترك دلال لوحدها وبترجع معي الرياض وملفات العيال ومدارسه عند اهلك ....ســـــــــعد ليه كـــــل هذي الخبطة ليــــــة ابي افهم؟؟؟
يا ناس اقنعوني؟؟؟
سعد / اسمعي كلامي وانتي تربحين...
مها / وش المطلوب؟؟
سعد بمرك بكرة ونروح على بيتنا في الرياض طيب؟
مها / طيب اكلم ابويه
سعد /وش دخل ابوك في حياتنا؟؟
مها/ههه طاردني من بيتي وحاطني عند اهلي وطول الوقت هم الي يصرفون عليه وخواتك لعبولك في حياتنا كلها وتقول وش دخل ابوك؟؟؟انت مدري كيف تفكر...؟؟؟
سعد/ امرك بكرة؟؟
مها/ارد في الليل..
سكر سعد وحس انه بيخسر مها...
وكان متوتر ...

(وش تتوقعون تروح مها مع سعد؟؟؟لو كنتم مكانها وش تسوون)
تابعو الحلقة الجاية

**حفيدة غزالة** · منذ /07-03-2010, 05:42 PM

الحلقة الثامنة.........

وفي المساء جلست مها مع ابوها وقالت له/ يا ابويه سعد يبي يجي بكرة وياخذني الرياض اروح معه؟؟
والد مها كان حكيم وحليم جدا/ قال/ شوفي يا بنتي سعد ورط ورطة ما يقدر ينفك منها وانتي ضحية كيد حريم لكن شوفي انتي وش رايك ؟؟
مها / ابويه انا ابي اولادي...ما ابيهم يتمرمطون...فاهمني يا ابوي..؟؟
الاب/ طبعا فاهمك زين ..روحي الله يوفقك لكن بترجعين لنا صدقيني وإذا رجعتي وقتها انا بتصرف مع سعد..الحين بنعطية فرصة يصحح اغلاطة معك لكن يا مها انتي غاليه عندي وما اسمح ان بنات زي اخوات سعد يهينونك او يتمصخرون عليك...
مها / الله يخليك لي يا ابويه...
(طبعا مها ما اتصلت وكان سعد على اعصابه واتصل هو وردت مها ..وقالت انها بتروح معاه لبيتها مع اولادها)
وكان ذاك الوقت اجازة مدارس..
مر سعد في اليوم التالي.....وأخذ مها والولدين وعادو إلى الرياض عادو والشوق يملاء قلوبهم والحنين لتلك الشقة الصغيرة التي كانت تجمع فيها اجمل ذكريات حياتهم عادو وكلهم شوق وحنين لكل ركن ولكل زاوية ولكل منطقة من اجزاء الشقة....كانت شقة جدا جدا متواضعة لا تتيخلونها فخمة بفخامة بيت دلال بل على العكس كان عفشها قديم لكن ليس المهم العفش المهم راحة البال...
دخل الاولاد شقتهم ونادو ماما بابا شوفو العابنا يااااااااااااه من زمان ... امي شوفي هذي تفتكرينها وشوفي هذي اللعبة الي شرينها من الحديقة فاكرتها؟؟
كانت ترد مها على أولادها/طبعا فاكرتها...
كانت مها حزينه جدا ومشتتة الذهن لا تعرف هل هي صح ام خطاء...هل هي جانية ام مجني عليها...
أصعب اللحظات...
عاد سعد من الخارج بعد ان احظر الشنط من السيارة...كانت مها صامته لا تتكلم ...وابنائها فرحين بعودتهم مرة اخرى بعد عذابات نفسية بين اهل ابوهم واهل امهم...
قال ناصر / امي خلاص معد بنرجع لجدتي؟؟
مها / والله حبيبي مدري عن ابوك ..بس إن شاء الله ما نفترق...
ناصر/ امي كله من عمه ريم صح؟؟
مها / حبيبي ناصر وش الكلام هذا ؟؟لا مو من احد محد يغصب احد على شي صح؟؟
ناصر / امي لاتحسبيني صغير انا الحين بدرس بالصف الخامس واعرف حركات عماتي..
مها / حبيبي ناصر لا تزعلني منك انا رجعت وانتم معي وما ابي أي مشاكل...وكمان ابي تعاونكم معي لاني احتاجكم اكثر من أي احد فاهمني؟؟
ناصر/ ايه يا امي فاهمك بس ما ابي ارجع لجدتي ابي بيتنا هذا ..شوفي بنقول لابويه روح عادي عند زوجتك لكن خلنا مع ماما هنا..
قال ناصر كلامة وانهارت مها بالبكاء وشافا احمد وقال لناصر ناصر انت زعلت ماما ..
قال ناصر/لا انا مازعلتها لكن يمكن ما عجبها كلامي ..ماما لاتبكين الله يخليك
(وجلس ناصر يبكي من بكا امه..واحمد يناظرهم مو عارف السالفة...وجلس يبكي معهم..)
وسكتت مها ومسحت دموعها وقالت لعيالها صدقوني مو بيدي لازم تتحملون المسؤلية صحيح انتم صغار لكن هذا قدري وقدركم ...ولازم تكونون مستعدين لاي سي ..سواء درستو عندي او عند جدتكم فاهميني..
ناصر/ ايه طيب كل هذا ليه ما نعيش زي اول؟؟؟
مها/ لان ابوك مو عاجبته حياتنا..
(كل هذا وسعد في المجلس جالس وسرحان في مشاكلة الي انحطت على رأسة)
مرت الأيام وتناست مها الموضوع بس علشان خاطر اولادها ...كانت تصحا من بدري وتنظف بيتها وتفطر اولادها وزوجها وكانت مرحه جدا وتضحك وتمزح وما بداخاها من سكاكين تقطع قلبها كلما رن جوال سعد راح يجري بسرعة للغرفة ويكلم دلال., تحس مها بألم الدنيا كلة ولا تفكر بشيئ الا الطلاق لكنها تلتفت في اركان البيت يجلس من كسر مجاديفها وفصمو ظهرها وهم ناصر واحمد الي ما لهم ذنب في كل الي سار ...

وفي يوم دخلت مها على سعد ..وقال سعد/ مها انا قدمت إجازة عشرة ايام بنروح لاهلي انا والاولاد علشان المدسة ..
مها / وانا ؟؟
سعد / بوديك لاهلك..
مها/ طيب وبعدين ؟؟
سعد/ بجلس عشرة ايام عند دلال وبعدين بأخذك ونرجع الرياض..
مها/ والأولاد ؟؟
سعد/ بيجلسون عند امي علشان المدارس..
مها/ بتروح اجازة عند زوجتك الثانيه...وانا مالي نصيب من إجازاتك ؟؟طيب بتروح تتمشا معها وانا والاولاد مالنا نصيب؟؟؟لا وكمان بتردني معك بدونهم؟؟ااااه علشان من يطبخ لك ومن ينظف البيت لازم خدامة نسيت انك تعودت على الدلع..لكن عندي اقتراح ثاني..
انقل ملفات الاولاد هنا وروح زي ما تبي ما تهمني اهم شي عيالي..
سعد / يعني ما تبين ترجعين معي؟؟
مها / ولاني رايحة معك عند اهلي..تعرف هذا اقتراح مين؟؟
سعد/ مين؟؟
مها / تصور إقتراح ناصر...من الظلم الي شافة في بيت جدته..
سعد/ شوفي لا انتي ولا الاولاد تعرفون مصلحتكم اكثر مني..

(في هذي الفترة تعلمت مها اسلوب جديد ..تعلمت ما تبكي ابدا وتعلمت اسلوب الدق في الكلام والغمز )
كان سعد يتكلم بالجوال طبعا كان يكلم دلال...فقالت له بمزح اعطيني وجه...طيب انت تكلمها وانت معي ما تتكلم لازم تعدل..هههه
قال سعد / لا مو حكاية كذا لكنها كتبت كلام ورديت عليها
مها/ زوجي واعرفك..رديت عليها بأسلوب مستهزء طبعا
سعد/ ايوه شوفي وش كاتبه (كانت كاتبه كلام وصخ ...وطبعا ما قصر معها ورد بأسلوب تأديب لها)

(مها كانت في هذا الوقت مثل الصديق لسعد كان يشتكي من تصرفات زوجته الثانيه وكان يقول عنها ويقول)
كانت مها منصته له لكن قلبه يتمزق من الداخل...

وقررت قرار وقالت لسعد شوف لو رديتني لاهلي معدني راجعة لك...لكن خلني مع عيالي هنا بالرياض وبتدبر اموري زي ما تعودت من قبل..
قال سعد / لا منتي جالسه ولازم نسافر بعد بكرة...
قالت مها / وربي معد ارجع ..
سعد/ لا بترجعين تدرين ليه لاني توقعت اهلك من اول ما اجيهم واقول اني تزوجت ما يردونك عليه لكن شوفيك رجعتي وبترجعين كمان للمرة الثانيه..
مها/ بنشوف..

مرت اليومين كانت مها تلم اغراض اولادها وقلبها يتقطع عليهم ....وهم يلعبون مو دارين وش السالفة...وما حبت توجع قلوبهم وقررت ان تسكت..

جا موعد الرحلة وطبعا الجوال حق سعد ما سكت فرحانين اهلة بجيته ويبونه يجي بفارغ الصبر..
طبعا واحد من المتصليت دلال...

اقلعت الرحلة وسعد مبسوط جدا (كل جديد وله لذة)........
وصلو للمطار واستقبلهم اخو سعد وقال سعد بنرروح بيت مها اول علشان نودي مها لاهلها..

وصلو بيت اهل مها... وطلع سعد شنطة مها ...
قالت مها لسعد/وداعا بلا عودة..
سعد/ ضحك ضحكة صفراء وقال نشوف؟؟

نكمل الحلقة الجاية..........

**حفيدة غزالة** · منذ /07-03-2010, 05:44 PM

الحلقة التاسعة...........

وصل سعد لاهلة هو وابنيه...استقبلته الجدة وقالت ليه ما خليتهم مع امهم؟؟
قال سعد / ابي اقظي لهم مقاظي المدرسة قبل لا اسافر...
قالت الام/ وش ذا الحالة يا سعد تبي تخليهم بعد عندنا..
سعد / مو انتم ورطوني؟؟؟ تحملو النتايج..
ام سعد/ والله انت الي ورطت نفسك بنفسك..
سعد/ مني تقولين طلق مها..
ام سعد/ ايه طلقها وخلي اولادك معها ..
سعد / والله اني متشتت مدري وش سويت؟؟؟

مرت الايام وسعد كان طول الوقت مع ست الحسن والدلال الست دلال.وما قدر سعد انه يجيب اغراض المدرسة للاولاد..

وكانت الست دلال زعلانه لانه بس اجازتة عشرة ايام..

وفي بيت مها استقبلوها اهلها احسن استقبال ...وقال لها اشفتي ؟؟بس ابيك تعرفين اني اعرف وش يفكر فيه سعد...
بكت مها ..قال ابو مها/ مها صدقيني دموعك غاليه عندي وما ابيك تبكين على واحد خاين للعشرة مثل سعد...
وتأكدي ان كل الي سعو في خراب بيتك راح تنخرب بيوتهم..والدنيا دوارة..

اتصل سعد ..رد والد مها وقال له ان مها مشغولة...وكان يصرفة دايم ..خاف سعد وقرر انه يتصل في وقت متأخر..واتصل وفعلا ردت عليه مها..
مها/ الووو
سعد/ مها وينك ..
مها/ موجوده...العيال فيهم شي؟؟؟
سعد/ انتي ما تسألسن الا عن العيال؟؟
مها / لانهم الوحيدين الي مالهم علاقة بكل الي سويته..
سعد/ ليه وش سويت انا؟؟؟ارتكبت حرام..
مها/ ههههه لاتقول لي الشرع حلل
سعد/ الا الشرع حلل وحلل لي اربع
مها/ طيب والعدل؟؟
سعد/ لا تطالبيني بالعدل..
مها/ هههه إذا مشيت في الشارع بالله سلم لي عليه..
سعد/ من هو؟؟
مها/ العدل الي ظاع ..
سعد/ عموما انا رحلتي بكرة وبمرك تروحين معي الرياض..
مها / والاولاد؟؟
سعد/ لا الاولاد بيجلسون عند امي..
مها/ اسفة ماني رايحة...
سعد/ اخر كلام؟؟
مها/ وبدون الاستعانه بصديق...
سعد/ طيب تحملي الي بيجيك...وقفل سعد الهاتف..
وفي اليوم الثاني اتصل مرة ثانيه قبل موعد الرحلة.وقال مها يمكن امس اعصابك تعبانه ابيك اليوم تروحين معي للرياض ..
مها / بسألك شريت للعيال اشياء المدرسة..انا كلمتهم اليوم ومحد معطيهم وجه..
سعد/ لا ماشريت لهم اهلي بيشترون لهم..
مها/ يا الله سعد كل شي اهلي اهلي...ما تتحمل مسؤلية اولادك؟؟اهم شي بس راحتك النفسيه وتماشيك والتغيير الي انت فيه ؟؟
نسيت ان عندك ولدين على وشك انهم ينهارون ويضيع مستقبلهم؟؟
سعد/ مها انتي مكبرة السالفه مرة...اهلي ربوني من قبل لا اتزوجك..
مها/ شوف تبي تعرف رايي كا صديقة مو كزوجة اولى؟؟
سعد/ ايش هو رايك؟؟
مها / انت ورطت وتزوجت وحدة وما تقدر انك تطلقها ...طلق ام العيال وجيب عيالك عند عمتهم وعيشو في بيت واحد وتحمل المسؤلية...فاهمني ؟؟اولادك بيضيعون لازم يكونون تحت عينك..فاهمني؟؟
سعد/ شوفي يا مها هذي ثاني مرة تطلبين الطلاق ...شوفي لا انتي ولا هي تتحكمون في حياتي مفهوم؟؟
مها/ الحين عرفت من انت ...اناني وما تفكر في حيات عيالك ..صدقني يا سعد خلاص كل الي بيني وبينك انتها
خلاص تعايش مع الواقع...بس لا تخسر املادك شوف انا اسستهم تأسيس صح وعليك تكمل ..ترى درجاتهم في المدرسة مي عاجبتني لكن مكان بيدي شي..والحين اترك الحما عليك انت الي حطيتني في هذا الموقف..
سعد/ يعني ماتبين ترجعين معي..
مها/ ههههه ارجع معك للرياض وبعد مدة تأخذ اجازة وترجع تحطني عند اهلي وتروح دولة من الدول لنت وياها ههههههههه وش العدل ذا ؟؟
سعد/ على كيفك .........(وسكر سعد الخط)

مها حاسة انها ودها سعد يطلقها الحين وكرهته كره لانه اناني ما يفكر بالثانين اهم شي سعادتة...

سافر سعد للرياض... وكانت مها تتصل يوميا على اولادها ..وكانت الجده تتهرب دايم من مها وما تبي تكلمها من يوم المشكلة ...وكانت مها ما تهتم دايم تقول للعيال سلمو لي على جدتكم...
(قدم سعد على نقل لانه مايقدر يعيش لوحده عزوبي وهو على ذمته زوجتين ههههههه تدبير فاشل)
وسار في المدينه الي اهله فيها يدام يومي من هناك...
وفي هذي الفترة كانت مها معلقة لاهي مطلقة ولا متزوجة...قررت تكمل التوجيهي لانها من المشاكل تركتها
وقدمت لكن لازم الاوراق..والاوراق عند سعد كل اثباتاتها ...كلمت ناصر وقالت كلم ابوك يجيب لي كرت العيلة
وإذا سالك ليه قل امي تبي تشيل اسمها من الكرت...
قال ناصر لابوه على الكلام الي سمعة من امه...انجنت الجده وقالت/ليه الشغلة على كيفها
وقالت ريم/ شكلها بتقدم خلع...
وكان راي عبير ان قالت /سعد تبي نصيحتي ؟؟طلقها بسرعة..

سعد قام من المجلس وجلس لوحدة... وطلب من ناصر انه يتصل على امه ( مها) من جواله..
اتصل ناصر ورد الجد/الوو هلا بحبيبي ناصر كيفك يا بوك طيب انت واخوك؟؟
ناصر/ الحمد لله يا جدو طيبين جدو ابي اكلم ماما ممكن؟؟
ابو مها/ ايه طبعا لحظة...مها مها ناصر على التلفون..
(كل هذا والاسبيكر شغال على الجوال)
ردت مها/ الو ناصر حبيبي وش لونك؟؟
ناصر / الحمد لله بخير..
مها/ حبيبي قدرت تطلب كرت العيلة؟؟
ناصر / ايوه لحظه ابوي بيكلمك...
مها/ ناصر حبيبي ماله داعي بابا يكلمني عادي قول امي تبي كرت العايله وبس..
سعد/ وش تبين فيه؟؟
مها/ ابي اثباتاتي من عندك ممكن؟؟
سعد /افهم ليه ؟؟
مها/ كمان اثباتي تبي تعرف ليه ابيهم؟؟ما سألتك عن تصرفاتك ليه تزوجت ..الحين من حقي اعيش زي ما ابي...ممكن؟؟
سعد/ ماني جايب لك الكرت ..
مها/ شكرا على ذوقك......وقفلت مها..
(زعل سعد...عمر مها ما كانت كذا وش سويت يا سعد؟؟خليت مها الملاك الطاهر ينقلب لبوة مفترسة وعنودية)

قرر سع انه معد يكلم مها لين هي تتصل...ومها ما تبي تكلم سعد...........
مرت الايام .............. كان من صاحبات مها القداما بنت اسمها( تغريد) تخرجت من الثانويه وفتحت مشغل..
وقررت مها ان تشارك تغريد وقبل والد مها واشتغلت مها مع تغريد في الأدارة والمحاسبه...وتحسنت احوال مها ونفسيتها...وطلعت جوال واصبحت بزنس ومن...

اتصل ناصر على امه وهو يبكي..وفال لها انه رسب...واخوة كمان رسب....
زعلت مها ..وارسلت رسالة لابوهم كان نصها../السلام عليكم ورحمة الله وبركاته سعد ما كان اتفاقنا هذا كان اتفافنا انك تهتم بالعيال وتداريهم ..عاجبتك علاماتهم؟؟عاجبك مستواهم؟؟
إذا قررت تتفاهم اتصل عليه على هاتف المشغل وهو0000000
استقبل سعد الرسالة..وكان وقت طويييييييييييييييييييييل ما سمع صوت مها..قرابة السنة...
كان قلبه بيخرج من بين ظلوعة من الفرحة ...وأخيرا لانت..

اتصل على الفور على الرقم وكلم مها......
سعد/ الووو ممكن مها
مها/ مين سعد ......هلا
سعد/ سلام كيفك ؟؟
مها/ الحمد لله
سعد/ الــــــــــــــلــــــــــــه من متى ما كلمتك ولا سمعت صوتك ؟؟
مها/ من سنة؟؟
سعد/ تقريبا سنة.. صدقيني ما لقيت زيك ولا بلاقي .......................
(واخذ سعد يلعب بمشاعر مها علشان ترجع ويقول وحشتيني ....بس الكلمة الي هزتها مرة كونه اعترف بغلطتة ةقال اسف قــــــــــــــــال اسف ؟؟؟غريبه وهو ذاك المغرووور الي ما يعترف بغلطتة)

قالت مها/ والحل؟؟؟
سعد/ والله مدري وش الحل..
(سعد سلم البين الي بالرياض وما عاد يسكن هناك)..
قال سعد بقترح اقتراح عليك ؟؟
مها/ ايش.؟؟
سعد/ تعيشين معها في بيتها..
مها/مين قصدك دلال؟؟
سعد/ ايوة
مها/ خلني افكر؟؟
سعد/ طيب على راحتك
مها/ يالله الحين انا مشغولة اكلمك بعدين...وسكرت مها الهاتف..

(فكرت مها في كلام سعد وجلست تظحك لانها تعرف دلال ما تحب احد يشاركه زوجها فما بالك ببيتها,)

بعد يومين اتصل سعد على مها وقال هله وش رايك في كلامي؟؟
مها/ لقيت كلامك عين العقل وخلاص طيب ابي ارجع معك وابي اعيش معا دلال في بيت واحد..
(قالت كلامها وهي متأكدة مليون بالمية ان سعد ما يقدر ولا دلال بترضا)

قال طيب ابي اشاور الطرف الثاني (الي هي دلال)

قالت مها / وإذا مارضيت؟؟
سعد / عاد إذا مارضيت لكل حادث حديث..
(وانتهت المكالمة)

نكمل في الحلقة القادمة.......

**حفيدة غزالة** · منذ /07-03-2010, 05:46 PM

......الحلقة العاشرة..........
دخل سعد على دلال وقال لها السلام عليكم.......ردت/وعليكم السلام..
قال سعد/ يالله شكلك تتعبين دوام يومي وبيت ومسؤلية الله يعينك..
قالت دلال / ايه والله تعب ..
(كانت دلال مدرسة وما تطلع من المدرسة الا وقت متأخر وكانت تمر يوميا على امها وتأخذ الغدا الي هو قدر مكرونه يوميا...وكان لما يجوع سعد يجيب دايما من المطعم عادي ظريبة لازم يدفعها)
قال سعد/ تعرفين انا ما احب الشغالات في البيت...وفكرت بفكرة ..بجيب ام ناصر وناصر وأحمد يعيشون معنا هنا تعرفين انتي طول الوقت برا في الدوام ومح في البيت وانا اجي تعبان ومح يقابلني..
صــــاحت دلال/ انت وش تقول من جدك ؟؟مجنون والا صاحي؟؟؟شوف عيوني انا متحملة انها على ذمتك الين الحين لاني عارفة انك بيجي يوم وتطلقها ...لكن تجيبها عندي والله ما يسير لك طيب..
قال سعد/ اف اف كل هذي الثقة ؟؟وش خلاك تتأكدين اني بطلقها؟؟
دلال/لو كنت تحبها ما تزوجتني...ولو كنت تبيها ما خليتها الين الحين معلقة..لكن انا اعرف ليه كبرياء فيك علشان لا تتزوج واحد ثاني غيرك ويجيها اطفال ويكونون اخوان لاولادك صح؟؟؟
سعد/ وش الخرابيط ؟؟ابجيب ام عيالي وسوي الي تسوينه..
دلال/ انا من اليوم بروح لاهلي..
سعد/ الف سلامة..
(وراحت ست الحسن والدلال الست دلال لبيت اهلها...وكبرت السالفة ووصلت الموظوع للكونقرس(اهل سعد)
وسامحوني على التعبير...
وكبرت السالفة في يومين بس...وطلبو اهل دلال ان سعد يجي ...وجا ابو الغنايم سعد....وطلبو اهل دلال انه يخليها في بيتها بدون شريكة وإذا بيرد ام عياله ياخذ بيت لها غير بيت دلال...
في الوقت هذا كان سعد على الحديدة وما عنده شي....وما قدر يكلم مها لمده سته اشهر....
تأكدت مها ان سعد يبي بس يعلقها ويخليها بدون طلاق...وقرر ابو مها انه يروح ويكلم شيخ القبيله حقت سعد
(ذا كان زمان ..هههه ابو مها من الدقة القديمة الله يخليه ويطول في عمرة ..شيخ قبيلة للناس الي يستحون ويحشمون الكبير..مو واحد ورا الحريم .....)
دخل ابو مها وجدها وكانو الاثنين لهم هيبتم وإحترامهم سلمو على (الشيخ متعب) وقالو له عندنا طلب منك ؟؟
قال الشيخ/ اشربو القهوة وطلبكم مجاب إذا قدرت علية...
قال جد مها/ ولدكم سعد تزوج بنتنا من عشرة سنوات...ورماها عندنا لاهو الي طلقها ولاهو الي فتح لها بيت تعيش مع اولادها...وعلا علمنا انه تزوج من بناتكم ..
الشيخ/والله انا الي اعرفة ان بنتكم هي الي شردت وما تبي سعد..لكن الحين فهمت السالفة زين وابشرو بكلمة وافهمة غلطة...
مرت الايام ....وقابل شيخ القبيله سعد في عزيمة كبيرة ....وقال الشيخ/سعد ابي اتكلم معاك..
قال سعد/نعم
قال الشيخ/ جوني ال (فلان) من مده ويبون منك اما تطلق بنتهم والا تردها ...يا بوك حرام انك ما تعدل وحرام الي تسويه في البنت ...واولادك ما لهم ذنب...

(وش تتوقعون رد سعد...؟؟؟)
قال سعد/ انته تكلمني انا ؟؟قال الشيخ ايه انت ...وش فيك؟؟
سعد/ شوف انا قلت لابوها لاتدخل فيني انا وام اولادي والحين اقولها لك مالك دخل لا انت ولا غيرك...
(انحرج الشيخ من كلام سعد ...وقال بس الجماعة كلموني وو........
قال سعد مقاطع الشيخ/ انا فهمتكم لا تدخلون بيني وبين حرمتي...
(وخرج سعد زعلان من المجلس)

اتصل ابو مها على الشيخ وقال وش سويت بشر؟؟
قال الشيخ / والله احنا في زمان ظاعت هيبت الكبير...والي فهمته من عيالي ان بنتك ظحية تدبير وكيد حريم الله يجيرنا من تدبيرهم لا حطو وحدة في روسهم لازم يخربون بيتها..
ابو مها/ طيب يا عم وش الحل.؟؟؟
الشيخ/ والله يابوك ما خلا لي فرصة اتكلم ....لكن ارفع علية شكوا في المحكمة...
(وانتهت المكالمه على هذا الاساس)

قرر ابو مها انه يرفع شكوا في المحكمة....وكتب فيه يا سعادت القاضي اشتكي على زوج ابنتي الذي طردها من بيتها و اخذ منها اولادها وتركها وهي من عام.........الى الان وهي عندي....
(يعني كملت الان السنتين وهي عند اهلها)

اتصل سعد على مها وقال لها قرر ابوك يعلن الحرب؟؟؟طيب ماشي انا اوريكم...وسكر التلفون...

في يوم من الايام دخلت ام مها وقالت فيه وحدة تبي تخطبك لولدها ...الولد طلق مرته ويبي حرمة...
ضحكت مها وقالت/ طيب خليني اطلق اول وبعدين افكر اتهبب مرة ثانية...
قالت الام/ حسبي الله ونعم الوكيل فيك يا سعد...
قالت مها/ هذا نصيبي...والحمد لله..

مرت الايام وجا موعد الجلسة ودخل الاب وسعد للقاضي...
(ما ادري بأي عين قابل سعد ابو مها...)

طبعا زعلان ابو الشباب ليه تشتكيني؟؟؟(ما ادري هو غبي والا.........؟؟؟؟)

سأل اقاضي سعد/ سعد تبي زوجتك والا ما تبيها؟؟؟
سعد/ ايه ابيها ام اولادي..

قال وش قصتك وليه طرتها..
قال / انا ما طرتها جا ابوها وأخذها من بيتي وما اتكلمت..

قال القاضي/ صحيح الكلام هذا؟؟
قال ابو مها/ شوف إذا يحلق بالله انا اصدقه ...لكن لو من جد رجال يفتح لها بيت زي العالم ولا يطلقها ..

البنت معلقة لها ثلاث سنوات يا شيخ حتى اثباتاتها عيا يعطيها...وكل يوم واحد يجي يخطبها يحسبونها مطلقة وما نقدر نعطي كلمة للناس وابيك تحكم بيني وبينه يا شيخ فيما يرضي الله ..
قال الشيخ/ سعد للمرة الثانيه انت تبي مرتك
قال / طبعا ابيها هذي ام اولادي..
الشيخ/تقدر تفتح بيت؟؟
سعد/ ايوة
قال ابو مها/ خلي البيت ياقاضي عندنا (يعني في مدينة اهل مها )
قال سعد/ لا ابيها قريبه مني علشان اسير يوم هنا ويوم هنا.... (لا ماشاء الله يفكر في العدل من الحين...والا يبي يلحس عقل القاضي بشويتين بتوعة (على قول اخواننا المصريين)..

مرت الايام وكان جلسه يحظر وجلسة ما يحظر...لين الجلسة الفاصلة قرر القاضي انه لو ما جا هذي الجلسة رح يخلعه خلع......

طبعا شرف ابو الشباب وقال جبت شقة واثثتها وابي زوجتي...
حكم القـــــــــــــــــــاضي بعودة مهـــــــــــــــــــــــــــــا
جا ابو مها وقال حكم القاضي بعودتك لبيت زوجك وهو فتح لك بيت ويبيك ....
لتصلت مها على اولادها وكان الخبر اكيد بس كانو متكتمين علشان ست الحسن والدلال الست دلال ما تعرف بالخبر...

قال ابو مها انا اوصلها لبتها...
كانت مها طول الطريق تفكر كيف اللقاء بيني وبينه ...كيف بيقابلني ..ادري انه بينتقم زوجي واعرفة ...
دخلت المدينه الي كان سعد واولادها يسكنون فيها وارسلت مسج الى سعد (سعد انا جاية لبيتي مها)

نكمل في الحلقة الجاية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تلخيص لبعض حلقات د/عادل عبد العال (طب بديل)	عيون المحار	عروس العناية بالبشرة والجسم }	4	03-12-2009 10:10 PM
حلقات رووعه	أمونه المزيونه	عروس الازياء الاكسسوارات \| ~	20	04-06-2009 08:35 AM
الشباب قبل الزواج و بعد الزواج تفضلو ههه	{ذبحني هواهم}	.\|\|.. أرشيف العرايس ..~.	20	21-04-2009 06:41 AM
كاركاتيرات قبل الزواج وبعد الزواج (:	التجربه	« نكت وطرائف » العروس	18	20-04-2009 04:02 AM

قصة مها مع الزواج (حلقات)

قصص العروس

عروس

عروس قطر

منتديات نسائية

سوالفكم حلوة..اكيد احلى من تجمعنا